Lafaek News—Leitur Xanana Reading Room hamutuk ho Yout Community Care (YCC), realiza semináriu ho tema igualidade partisipasaun sidadaun sira asesu justisa
“Bainhira ita ko’alia kona-ba iguadade partisipasaun sidadaun sira nian iha asesu ba justisa la ses husi konstiuisaun republika, katak konstituisaun Timor garante ema hotu nia direitu, laiha diferensia entre feto ka mane, dehan Diretór Nasionál Asesorial juridisal no Lejislasaun Ministériu Jusitsa, Neolino Vitas, ba jornalista sira hafoin sai nu’udar oradór ba semináriu ne’e iha Xanana Reading Room, sábadu semana ne’e.
Justisa ne’e tenke ekilibriu entre feto no mane atu labele iha diskriminasaun,bainhira iha implementasaun ba lejislasaun sira tuir mai implementa konstituisaun republika mos labele soke malu ho espíritu konstituisaun nian katak ema hotu iha direitu hanesan.
“Ita nia kultura Timor nia mane mak sai na’in ba rai parte lorosa’e nian, no parte loron monu nia feto, maibe ita boot sira ba iha rejime kon-ba rai ne’e nian ne’ebe mak ita iha hatete katak feto mane iha direito hanesan hodi asesu ba rai no nain ba rai,” katak nia.
Tanba espiritu igualdade ne’e mai husi konstituisaun republika, iha nia implementasaun mos tenke garante igualdade tantu feto ka mane, la haree ba rasa ka kor no idade.
“Ita ko’alia kona-ba asesu ba justisa ita atu atinje objetivu prinsipal mak oinsá atu bele halo sistema justisa ne’ebe efikas, iha nia prosesu tomak ne’ebe mak justisa ne’e sei aplika sai prosesu ida ne’ebe lalais, ekilibriu, konfiansa, independente no justu, dezafiu boot tebes ba timor, da-daun iha ita nia komundade sira ne’e mak ita nia kuadru legal ne’ebe hakerek hotu lian Portugés, maske ami koko halo ona tradusaun ba tetum, maibe seidauk sufisiente tanba tradutór ema na’in 10 de’it. Diretór ne’e akresenta.
“Tantu ita nia kuadru legal hotu iha Timor-Leste ne’e laiha diskriminasaun no labele halo deskriminasaun labele fo fatin katak iha diskriminasaun iha ita nia rai ida ne’e labele, mosu iha ita nia rai mosu mak lei la vale kedas,” hatoo oradór ne’e.
Observasaun Lafaek News iha terenu nota semináriu ne’e partisipa másimu husi joven no estudante univesidade sira iha rai laran.
Jornalista : Rita Moniz
Editor : Nelya Barros
