Lafaek News—Assosiasaun Defisiensia Matan Timor Leste (AHDMTL), loron 06/05/2025, loke tan formasaun daruak komputador nian ba ema ho defisiensia matan 12 iha sentru AHDMTL Tibar, liu hosi aplikasaun NVDA.
Diretor Ezekutivu Asosiasaun Halibur Defisiensia Matan Timor Leste Gabriel P. de Sousa hateten AHDMTL hala’o parseiru ho NGO Humanis hodi fasilita formasaun ba ema ho defisiensia matan bele asesu ba teknolojia liu husi uza aplikasaun NVDA.
“Formasaun Ida ne’e ba daruak hamutuk ho parseiru humanis, faze primeiru ema nain 6 faze segundu ba ema nain 12, ida ne’e dezenvolve kapasidade pesoal entaun ida ne’e hanesan prepara ita nia kapasidade iha area ida ne’e liliu ema ho defisiensia matan, formasaun ida ne’e uza aplikasi NVDA ne’ebe espesifiku ba ema ho defisiensia matan atu nune iha formasaun tecnoligia nian, iha artigu 51 kolia konba ema hotu iha direto asesu ba campo de Trabalho,tanba ne’e atu compete iha merkaduria no capo de trabalho presija hotu hotu ho nia kapasidade ne’ebe Mak preparado iha area tecnoligia nian hanesan tecnoligia ida agora ho nia diresaun ba ema ho defisiensia matan sira”hatene Director Ezekutivo AHDMTL Gabriel P.de Sousa iha discursu ba aberturura Formasaun Kumputador Tibar iha dia 06/05/2025.
Iha fatin hanesan, reprezentante Humanis Olinda J.R.da Silva, haktuir Embaixada Norwegia hakarak apoiu nafatin AHDMTL atu hasa’e kapasidade ba defisiensia matan sira hodi asesu ba komputador ho aplikasaun NVDA.
“Apoiu ida ne’e mai husi embaixada Norwegia iha Jakarta no mos Timor Leste, ba etapa segundu formasaun kursus Komputador, ida kontinuasaun husi Programa ne’ebe implementa ona iha tinan 2023, tan ne’e Embaixada Norwegia hakarak apoiu nafatin AHDMTL atu hasa’e kapasidade abilidade ba maluk defisiensia matan sira ne’ebe hakarak ho vontade atu aprende kursus komputador ho aplikasaun NVDA,” Olinda relata.
Nia dehan, ho programa ida ne’e iha ema nain 6 husi membro defisiensia matan agora sai hanesan treinador ba fali sira nia maluk defisiensia ne’ebe iha tinan 2025, hetan oportunidade total 12 ne’ebe sei tuir fali kursus Komputador iha tinan ida ne’e.
Nune’e mos, Florabela do Santos Paisheco hanesan treinador ne’ebe aprende ona iha tinan 2023, hateten aplikasaun NVDA di’ak tebes tanba bele tulun ema ho defisiensia matan atu uza komputador.
“Ami aprende ona iha tinan kotuk iha Komputador ne’e rasik ho nia aplikasaun ida ho naran NVDA, nia hanesan komandu ida ne’ebe bele lee buat hotu iha Komputador laran, tanba ida ne’e mak hafasil ema ho defisiensia matan bele asesu, tanba labele haree ona ita labele uza maus, entaun uza keyboard no tekla ne’ebe mak ejizte ona iha komputador ne’e, ho koñesimentu natoon ne’ebe ami iha tenki tranforma fali ba kolga sira ne’ebe presija formasaun ne’e atu bele hasa’e mos sira nia koñesimentu ba parte Komputador ninian hafasil sira atu asesu ba kampu servisu,”nia esplika
Observasaun Lafaek News nota katak abertura ba formasaun ne’e nudar parte daruak nian ne’ebé hetan apoiu hosi governu Norwegia liu hosi ninia emabaixada iha Jakarta mai Timor Leste, serimonia loke komputador nian loke hosi Xefe Departamentu Ministériu Edukasaun Inkluzivu, Rita F. da C. Gomes Lemos, no treinador hamutuk 6 sei hanorin komputador ba membru defisiensia matan hamutuk nain 12 iha sentur AHDMTL Tibar durante fulan 3 liu hosi aplikasaun NVDA.
Jornalista : Maria José
