Ainaro-(lafaek news)— Bee-moos ba moris diak komunidade, Bee-moos sai asuntu importante ida ne’ebé komunidade sira iha area rurál sempre kestiona, maski governu halo ona esforsu barak, maibé la konsege solusiona preukupasaun komunidade nian iha area rurál.
Imajen ne’e hatudu komunidade sira kee rai henek hodi akumula bee nakonu foin bele tisi ense ba masa hodi lori ba uma tein ho haris. Foto LN.
Kada tinan governu ho parlamentu aprova osan hodi responde nesesidade povu nian liu husi edukasaun, saúde, agrikultura liu-liu bee mós, maibé asuntu ne’ebé sai problemátiku ba povu mak bee mós.
Lian husi reprezentante komunidade suku Kassa, postu administrativu Ainaru, munisípiu Ainaru, Agustinha de Araújo, espresa ho lian triste tanba bee mos laiha ho nune’e, maski iha maibé tenke la’o kuaze distánsia kilu-metru foin bele asesu bee mota hafoin kee rai henek hodi akumula bee nalihun hein too minute balun bee nakfilak ba moos ona foin lori kaneka tisi fui ba masa (L-5) hodi hiit ba uma.
“Ha’u Senti tristi tebes, tanba Timor Leste ukun Aan tinan barak ona, ami komunidade Ida nee sei Kuru be’e mos iha mota ninin, depois ami kuru be’e iha mota ninin ami sempre ke rai kuak iha mota ninin ,kuandu udan boot Mai mota tun sobu tiha be’e mos nebe Mak Ami ke iha mota ninin,, Ami Uma kain 36 Mak la asesu ba be’e mos, durante ne’e ami sempre halerik ba be’e mos laiha governu Ida Mak bele tau matan Mai Ami komunidade aldeia lai-lima, dehan Agustinha ba jornalista lafaek news iha suuku Kasa, domingu semana ne’e.
Agustinha haktuir, atu ba kuru bee mota ne’e presiza la’o tan distánsia husi uma too mota ho kilu metro 150, hafoin tisi ense ba masa lori fila ba uma hodi utiliza tein no nono hemu.
“Ne’e duni ha’u husu ba Ministéiro Obras atu bele haree liu ba ami aldeia Lai-Lima nia moris wainhira ami sei halerik ba be’e mos laiha, iha tinan barak ona partidu barak mak mai promete ona, maibé to agora nunka iha informasaun atu mai fura bee mai ami,” Agustinha prekupa.
Kontributora : Sabina Sancha
Editora : Nelya Barros
