Lafaek News—Asosiasaun Defisiénsia Timor Leste (ADTL), hala’o akampamentu kona-ba Life Skill Basic Education (LSBE), iha suku aldeia Makadai de Sima, suku Bucoli postu Baucau villa munisípiu Baucau
Objetivu principal hus akampamentu refere hala’o kona-ba programa Life Skill Basic Educatio (LSBE) Money Minded, ho nia materia mak planu asaun nasional ba ema ho defisiénsia no-mos Konvensaun ONU ba direitu ema ho no-mos, igualidade Jeneru, lideransa báziku, Jornalismu báziku inklui sensibilizasaun programa kooperativa.
Programa aprende letra Brille Báziku ba defisiénsia matan no-mos lian jestuál báziku no-mos tilun sira ne’ebe seidauk hatene kona-ba Jestual, no programa reflesaun kalan partisipante sira konta sira nia istória pasadu.
Rosalia Teresa Pereira nudár Official Programa Open The Book ADTL esplika, pastisipantes sira ne’ebé halibur an iha akampamentu ne’e mai husi munisípiu Lautém, Vikeke, Manatuto inklui ho estudantes Universidade Nasionál Timor Loro Sa’e (UNTL), total partisipante hamutuk iha akampamentu ne’e hamutuk 170, tema ba akampamentu ne’e Foinsa’e inspirador, motivador no lidera mudansa iha sosiadade.
Iha sorin seluk, Tomas Martins Gusmão husi organizasaun KATILOSA, sente kontente tebes ho akampamentu refere atu bele hasa’e koñesimentu di’ak kona-ba lideransa iha sosiedade inklui kona-ba jornalista báziku.
“Ha’u sente kontete tebes tanba hasai ami nia koñesimentu di’ak ba asuntu ema ho defisiénsia, lideransa iha sosiadade no Jornalista nian tanba ami hatene kóde étika oinsá hasai foto ba problema nian, no media atu halo lian jestuál nian iha media tanba realidade Ema ho defisiénsia no-mos komunikasaun iha, maibé laiha formasaun ba komunikasaun ema ho defisiénsia sira nian,” Tomas subliña.
Iha akampamentu ne’e partisipante sira rona sensibilizasaun husi Naroman Timor Leste, oinsá proteze matan labele sai defisiensia no mos konsulta matan ba komunidade sira.
Jornalista : Acacio Pinto
Editor : Agapito de Deus
