Bobonaru-(Lafaek News)—Prezidente Autoridade Munisipal Bobonaro, Zeferino Soares do Santos, afirma nia parte simu ona informasaun relasaun ho estrada ligasaun entre Maliana ho Bobonaru kotu iha situasaun udan boot iha fulan kotuk nune’e hato’o ona Ministériu Obras Publika.
“Da-daun ne’e ha’u simu ona informasaun kona-ba estrada kotu Iha aldeia no Suku no ami nia sekretáriu koordena ona ho ministériu obras publika munisipal i hatutan tan ba obras publika nasionál nian atu bele mai normaliza fali dalan ne’e,” dehan Zeferino Soares do Santos ba Lafaek News iha kna’ar fatin, segunda (04/01/2021).
Nia hatutan Estrada munisipais no estrda nasionais sei responsabiliza husi parte Ministériu Obras Publika hodi solusiona Estrada ne’ebé kotu iha fulan hirak liuba ne’ebé afeta husi udan boot.
“Ami so mente kordena atu obras publika mai hodi ekipamentu mai hadia hanesan ita hatene fulan liu ba kotu tia ami kordena ho obras publika husi jestaun ekipamentus nia hodi mai normaliza, agora rona fali kondisaun ladiak fali tanba dalan ida ne’e dezde tempo Indonesia hanesan ne’e nanis, tanba rai nia abut la metin ita ateru iha leten mota tun sobu iha okos dalan ne’e kada tinan sempre hanesan ne’e duni dezde tempu avo sira nian,” Prezidente Autoridade Bobonaru ne’e.
Tan ne’e, nia parte halo ona esforsu hodi halo konfirmasaun ho Ministériu Obras Publika municipal ho nasionál liu husi kontaktu telemovel atu bele hatun ekipamentu pezadus sira hodi normaliza hikas Estrada refere.
“Ami konfirma ona obras publika liu husi via telefone hodi lori fali ekipamentus sira ne’ebe foin da-daun mai hadia ne’e atu bele normaliza fali estrada ne’e,” nia hakotu.
Jornalista : Zeferino Barreto Gomes
Editora : Nelya Barros
