Lafaek News—Ministériu Edukasaun Juventude o Desportu (MEJD), Armindo Maia, deklara bazeia ba Dekretu Governu kona-ba medidas ezekusaun estadu emerjénsia deside taka eskola provizóriu iha semana ida too rua nia laran atu bele hadook an husi moras Covid-19 no kontinua haforsa tan programa eskola ba uma.
“Hakarak informa ba públiku enjeral, espesial ba komunidade edukativa, ita hare’e katak moras Covid-19 ne’ebé a’as bei-beik iha ita nia rai, tanba ne’e ami sei nafatin kontinua no haforsa tan programa online ensinu distansia maka hanesan, eskola ba uma no teles-eskola iha radio, telvizaun inklui iha media sosiál, fornese material online, nune’e bele asesu programa eskola ba uma,” hateten MEJD, Armindo Maia hatun lia hirak iha konferénsia imprensa iha edisifísiu Ministériu Edukasaun Villa-Verde, Segunda ohin.
Governante ne’e relata, durante tempu suspensaun lalori tempu naruk, tan ne’e Ministériu Edukasaun husu ba profesores no estudante akompnia progrma ensinu distánsia liu husi plataforma ne’ebé fó sai.
“Ita espera katak sei lalori tempu naruk, MEJD husu ba professores no alunus sira, husi pre-eskolar ensinu bázika no ensinu-sekundáriu atu nafatin akompnia programa ensinu diatánsia liu husi plataforma sira ne’ebé fó sai, no informasaun relevante sira seluk husi MEJD,” tenik nia.
Tan ne’e, objetivu suspensaun ne’e atu iha tempu badak fó oportunidade ba MEJD atu diskute ho Ministériu Saúde, kona-ba regras implementasaun, maibé pozisaun MEJD la fo hatene klaru durasaun suspensaun ne’e semana hira.
“Durasaun ha’u labele hatete los semana hira, miabé bele semana ida, bele semana rua, depois ita diskute ho MS, ita haree preparasaun saida maka ita fornese ba eskola sira, ita mós hare’e ba eskola sira nia fasilisdade, prontu uluk ita fornese fasilidade bee moos, tanki, desifeksaun, maibe durante husik iha fulan tolu nia laran ladun tau atensaun, entaun ita presija hare’e buat sira, ne’ebé ita hare’e katak suspensaun ne’e lakleur,” nia esplika.
Enkuantu, eskola hirak ne’ebé iha munisípiu liu-liu iha area rual la susesu liña internet, maibé tuir esforsu no kbi’it MEJD nian hodi distribui fasilidades hanesan livrus no material sira seluk intermus eskola nian.
“Ba sira ne’ebé ita hatene katak rede internet problema bo’ot, no tuir ita nia kbi’it bele esforsu atu bele fó material ba sira, rede internet gratuita ka lae nee, ami labele saida tanba orsamentu mós foin promulga no to’o agora seidauk bele ezekuta,” nia informa.
Ikus liu governante ne’e fundamenta, bazeia ba suspensaun ne’e hakutuir ba dekretu governu Nu. 21/2020, 30 Dezembru kona-bá medidas ezekusaun deklarasaun estadu emerjénsia, liu-liu artigu 28 kona-bá funsionamemtu estabelsimentu ensinu, ho ida nemaka MEJD deside taka eskola públiku no privada sira inklui eskola iha territorio laran tomak atu suspende lai, kualker atividade ensinu presensaun no inskrisaun edukasaun ba estudante foun anu lektivu 2021 ne’ebé bele konsentra iha fatin ida, tanba ne’e tenke kumpri despasiu husi ministerial entre MEJD no Minsteriu Saúde (MS).
Jornalista : Pedro de Almeida
Editora : Nelya Barros
