Lafaek News—XI Governu Konstitusional liu hosi Sekretariu Estadu Formasaun Profisional no Empregu (SEFOPE) liu husi Diresaun Nasionál no Empregu Eexterna (DNEE), asina akordu ho traballadór Timor oan hamutuk 100 sei ba servisu Austrália.
Sekretáriu Estadu Formasaun Profisional no Empregu (SEFOPE) Rogerio Mendonca hatete ohin oportunidade ida ba sekretáriu Estadu Formasaun Profissional no Empregu (SEFOPE) Ministra Negósiu Pequeno Dezenvolvimentu Internasionál rasik husu hodi hola parte iha serimonia despedida ba traballadór ne’ebé atu ba servisu iha Austrália.
“Ohin hanesan oportunidade ida ne’ebé maka diak teb-tebes mai iha sekretáriu Estadu Formasaun Profisional no Empregu Ministra Negósiu Pequeno Dezenvolvimentu Internasionál ho multikultura mak husu direta mai iha Sekretáriu Estadu estadu Formasaun Profisional Empregu hodi mai hola parte iha serimonia despedida ba traballadóres sira ne’ebé atu ba servisu iha Austrália ema 100, husi konversa husi sorumutu ne’ebé parte SEFOPE ho Ministra halo parte Ministra kontenti teb-tebes katak programa mobilidade laboral ne’ebé mak ita hanaran Palm scam fo benefisiu boot tebes ba iha Governu Austrália maske tempu fo mai iha Governu Timor-Leste,”SEFOPE Rogério Mendonca, iha hotel Palm spring Hilton, Kinta 07/08/2025/.
traballadór 100 ne’e maioria foun no sira husi re-entri ho númeru 17 resin hodi halo viajen ba Austrália ne’ebé prepara husi governu Timor-Leste liu husi Sekretáriu Estadu Formasaun Profisional no Empregu (SEFOPE)
Reprezentante Traballadóra, Simoa Gabriela Belo sente kontente, tanba hetan oportunidade dala ida tan hodi ba servisu iha Austrália ne’ebé iha area Hortikultura.
“Ha’u senti kontenti tanba hetan fila fali oportunidade bele ba fila fali servisu iha Austrália, iha area Hortikultura iha Timor ita la hetan esperiénsia hanesan iha Timor ita bele ba ita nia toos maibé iha fali Austrália dala ruma iha diferensia ituan ne’ebá” traballadóra ne’e haktuir
Nia dehan, esperiensia ne’ebé nia hetan mak iha dezafiu ruma iha servisu fatin, bele komunika ba kompaña nia na’in hodi bele ajuda no iha dezafiu mós ba língua hodi halo komunikasaun iha terrenu.
Entretantu iha serimonia despedida ida ne’e partisipasaun husi Ministra Dezenvolvimentu Internasionál Hanoravel Anne Aly no kargu xefia husi Sekretáriu Estadu Formasaun Profisional no Empregu (SEFOPE) nian.
Jornalista : Moises Guterres/Mateus F de deus
