Lafaek News—Eskola Ensinu Báziku Sentral 123 Maubisse Vila, laiha fasilidade hanesan kadeira-meja no sala aprendizajen, problema seluk tan laiha professors atu bele hanorin estudantes hamutuk 808 hosi siklu too 3 siklu.
Asuntu menus fasilidade ne’e fo sai hosi adjuntu EBS 123 Maubisse Vila, Joaquim Mendonça no Diretor EBS refere hafoin iha vizita media tour ne’ebé organiza hosi AJTL no Oxfam konsege identifika problema menus fasilidade no profesores la sufisiente iha eskola sentral Maubisse Vila munisipiu Ainaru.
Eskola ne’e mos hasoru problema hanesan laiha moru protesaun, sala aprendizajen, professore, no laiha fasilidade seluk hanesan komputador inklui kaderneta ne’ebé atu aprenxe estudante hamutuk 808 ne’e ninia valor.
“Fasilidade escola nian ne’e la to tanba sala limitadu liu, total estudantes 808, husi primeiru siclo to 3 siklo, sala ida iha primeiro ano 80 pesoas kada sala, normal 40 pesoas, tanba menus rekursu umanu kada sala professor ida bele atende 80 pesoas,” Joaquim Mendonça ba ekipa media tour iha nia kna’ar fatin EBS Maubisse-Vila semana ne’e.
Manorin sira ne’ebé hanorin iha EBS Maubissse vila ne’e hamutuk 30, maibé iha de’it mak ativu, kona-ba kadeira menus dezde tinan 2026 too ohin loron seidauk hetan apoiu ou atensaun másimu hosi Ministériu Edukasaun.
Iha fatin hanesan, Diretor EBS 123 Maubisse Jorge mendonca mos rekonese eskola ne’e iha tan problema seluk hanesan laiha kadernet, professores ne’ebé atu hanorin estudantes la sufisiensia, fasilidade menus oinsa atu prepara labarik sira atu hetan matenek ne’ebé di’ak iha futuru.
“Kardeneta escolar nian ne’e ami hatoo ona maibé seidauk iha resposta profesores sira ne’e iha livro bo’ot ida depois ami prense ami fo ba labarik sira nia Inan-Aman, ami uza surat tahan de’it, inan-aman sira husu ami dehan valor la lakon tanba ami iha hela arkivo ida ne’e ami fo ba sira ami dehan hein de’it kaderneta to mai,” Diretor EBS 123 Maubise vila iha nia eskritóriu EBS Maubisse.
Komputador unidade 4 utiliza, maibé 2 át ona, hela rua lable atu halo manutensaun ba hodi kontrola hotu escola hirak ne’e, nia parte hato’o ona problema sira ne’e ba Ministériu Edukasaun maibé seidauk iha resposta.
Jestor EBS Maubisse Vila ne’e hatoo mos ba Ministériu Edukasaun kona-ba moru protesaun, maibé seidauk hatan hosi parte kompotente, no ba da-daun profesores 12 mak yama ona iha reforma.
Diretor ne’e mos husu Ministériu Edukasaun atu fasilita tan profesores 10 ba escola refere, tanba da-daun ne’e EBS Maubisse Villa ne’e rejistu profesores reformadu nain 12 kompostu husi Ensinu Báziku Fillial nain 2 no Ensinu Báziku nain 10.
Totál profesores iha ne’e hamutuk nain 30 maibé ativu nain 26 enkuantu profesór nain haat transfere tiha ba Institutu Politiknika Betanu (IPB) Manufahi,
Jornalista : Maria José de Jesus
