Lafaek News – Estudante Universitariu Timor Leste (EUTL) Quinta Feira 09/07/2026 hala’o komunikadu imprensa hodi ejize ba estado ho Governu bazeia ba ejijensia sira ne’ebe EUTL aprezenta ona hodi husu ba parte servisu EDTL atu kumpri lei aprovizionamentu bainhira sosa patrimoniu estado hanesan kareta hodi hala’o servisu fornesimentu eletrisidadeba sidadaun hotu.
Porta-Voz EUTL Natalizio Nunes Martins iha entrevista Konsideira EDTL nudar empreza publiku ne’ebe kria hosi dekretu lei, tan ne’e funsionamentu EDTL bazeia ba lei tuir nesesidades ne’ebe EDTL iha no EDTL iha kompetensia atu sosa kareta sira ne’ebe utiliza ba servisu EDTL hodi fornese eletrisidade ba sidadaun hotu hotu iha Timor Leste, Maibe tenke Kumpri lei no sistema Aprovizionamentu tanba konsideira Patrimoniu estado Hanesan Kareta Ne’ebe EDTL Sosa balun para de’it no la hala’o servisu.
“EDTL nudar empreza publiku ne’ebe kria hosi Dekretu lei signifika funsionamentu EDTL bazeia ba lei tuir nesesidades ne’ebe EDTL iha no EDTL iha kompetensia atu sosa kareta sira ne’ebe utiliza ba servisu EDTL Nian hodi fornese eletrisidade ba sidadaun hotu hotu me’e obrigasaun estado nian liu hosi EDTL Saida maka ita hare katak mosu Euro bo’ot iha ne’eba maka tuir sistema aprovisionamentu wainhira atu sosa patrimoniu estado nian primeiru ita iha konkursu publiku segundu ita iha adjusta direitu terseiru ita iha adjudikasaun direita entaun liu hosi sistema sira ne’e hotu tenke bazeia no kumpri ba lei sistema aprovosionamentu nian nune’e labele hamosu espekulasaun no problema iha instituisaun refere”
Natalizio Nunes Martins sujere ba Governu liu hosi Konselho Ministru ho Parlamentu nasional atu halo fiskalizasaun ba instituisaun refere tanba konsideira mal jestaun.
“Fasilidades hanesan kareta ne’e patrimoniu estado nian se para deit entaun ita bolu inutil katak, la uja atu hala’o servisu hodi fornese eletrisidade ba povu maubere ne’e ita konsideira mal jestaun ne’ebe EDTL Rasik kria Ezizensia EUTL Husu ba Primeiru Ministru atu toma atensaun no parlamentu nasional atu halo fiskalizasaun ba aktu sira Ne’ebe akontese iha EDTL. Presija mos instituisaun internalmente EDTL tenke iha kapasidade para atu bele deside desizaun sira ne’ebe bele iha rezultado ba povu”
enkuantu, Governo liu hosi instituisaun Empreza publiku (EDTL.) Internalmente tenke iha kapasidade atu bele deside desizaun sira ne’ebe bele to rezultado pozitivu ba povu liu liu iha fornesimentu Eletrisidade
entretantu, too notisia ne’e hatuun, parte redasaun Lafaek News seidauk halo konfirmasaun ho parte esturtura EDTL hodi resposta kona-ba ezijensia Estudante Universidade Timor Loro sa’e, nune’e redasaun Lafaek News sei halo konfirmasaun iha tempu badak atu bele halo balansu ba notisia refere.
Jornalista Estagiadu: Marcos Ximenes de Brito
