Lafaek News—Organizasaun Raes Hadomi Timor-oan, tersa 17/06/2025, ofisialmente asina akordu ba datolu ho World Vision hodi servisu hamutuk ba asuntu inkluzaun ilu-liu kapasitasaun ba Ema ho Defisiensia atu bele partisipa ativa iha atividades hotu.
Umbelino Pereira hanesan jerente Operation world vision hateten akordu ne’e ba dala tolu no sei kontinua ba tinan rua oin mai hodi bele fo mos espasu ba ema hodifesensia liliu iha area rural sira.
“Ami ohin asina tan nota de atendimentu entre World vision ho RHTO Ida ne’e ba dala tolu nian ami sei kontinua ba tinan rua oin mai, ami sei servisu hamutuk oinsá atu servisu iha parte Inkluzaun ne’ebe world vision Timor Leste implementa, ami mos kolabora di’ak ho RHTO atu servisu ba area ne’e oinsá fo kapasitasaun no garantia ita nia maluk difesensia sira atu bele hola parte iha programa no projetu ne’ebe world vision implementa tanba ita iha Timor dala-barak iha familia ne’ebe defisiensia familia la autoriza atu partisipa iha atividade sira, entaun ho ezisténsia RHTO nian ne’ebe sei suporta world vision ko’alia ho familia sira atu nune ema ho defisiensia bele hola Parte iha projetu ga atividade sira ne’e,” jerente Operasaun world vision Umbelino Pereira ba Lafaek news iha salaun World vision Bidau-Santana Dili, tersa semana ne’e.
Iha fatin hanesan, Diretor Ezekutivo RHTO Joãozito dos Santos, haktuira sina akordu servisu Inkluzaun ba da toluk atu haluan tan oportunidade ba ema ho defisiensia tanba ema ho defisiensia mak grupo ne’ebe vulneravel liu iha Timor_Leste alende hafasil kordenadaun servisu ho parseria internasional.
“Ohin ami asina tan ho maun Umbelino nian ami RHTO hanoin fali pasado nian tinan sanulu resin liu ba lafasil atu servisu ho cordenasaun internasional entaun hatudu katak ita iha comikmentu,valor bo’ot liu ba iha Direito umano komprimisio ida ne’e sei haluan tan oportunidade atu servisu hamutuk ida ne’e ema komesa hare ema ho difesensia ne’e recursu ida katak ami mai ho recursu ida laos ami mai ho karidade,tanba ema ho difesensia mak grupu vuneravel liu “haeten Diretor RHTO
Entretantu asina akordu datoluk sei hala’o liu kapasitasaun ba ema ho defisiensia iha area rural hodi asesu ba formasaun ne’ebe ko’alia Kona-ba asuntu ema ho defisiensia iha Timor Leste.
Jornalista : Maria José de Jesus
