Lafaek News–RAEOA-Organizasaun Noun-Governamentál (ONG), Assosiasaun Foin Sa’e Futuru Sustentabilidade (AFFOS), mobiliza foin sa’e sira hala’o travasaun kadalak iha aldeia Hoeneno suku Bobometo, ohin loron bee matan 4 mak moris fila-fali.
Diretor ezekutivu Asosiasaun Foin Sa’e Futuru Sustentablidade (AFFOS), Francisco Caput haktuir, antes ne’e komunidade la hetan bee, tanba ne’e iha tinan 2023 sira halo asesmentu no hamutuk ho komunidade Hoeneno Dezenvolve planu atividade bainhira devitu bee atu aumenta entaun sira halo lasu bee liu husi kee rai kuak hodi halibur bee ikus hamoris hikas bee matan.
“Antes ne’e sira nia devitu bee menus tebes ho nune iha tinan dahuluk ita halo ona asesmentu no ita hamutuk ho sira dezenvolve planu atividade katak sira bainhira Devitu be atu aumenta entaun fofoun ami Lasu be katak ke rai kuak ho medidas naton 2×2 ou 5×5 Iha be matan nia leten bainhira udan tun entaun be tama rai okos hodi infitra ba be matan ne’ebé iha,” Francisco argumenta,
AFOS mós dezenvolve Debu ne’ebé ho medidas boot, liu husi atividade ne’ebé sira halo fo ona resultadu ba be matan ba komunidade sira hodi asesu loro-loron.
Iha sorin seluk Xefe Grupu NGO AFFOS iha Aldeia Hoeneno Domingos Meta, haktuir bee matan sira ne’ebé halo konservassun iha Indonesia nia tempu, too bai-loron bee ne’e sempre maran, tanba rai-molik menus ai-horis bainhira NGO AFFOS tama iha aldeia Hoeneno hanorin sira kuda ai-oan no halo travasaun kadalak hodi nune’e to tempu bailoron bee labele maran.
“ Wainhira NGO AFFOS tama iha aldeia Hoeneno ne’e mak hanorin ami atu kuda ai oan iha ne’e to agora be la maran ona tanba tinan tinan ami aumenta ai oan be mós aumenta too agora”
Nia haktuir tan katak kanu sira ne’ebé mak liga be husi be matan ba komunidade sira ne’e kanu ne hahu husi tempu indonesia nian tanba ne kanu sira ne to agora balun at ona tanba ne komunidade sira tau hamutuk osan hodi sosa fila fali kanu ho mangeira hodi dada be ba sira nia hela fatin
“Ami susar mak kanu sira ne’e balun át ona, ami haree kanu sira ne’e atu liga fali ami nia ekipamentu kanu nian laiha, ami tau hamutuk osan sosa fali mangeira liga fali ba kanu hodi dada ba komunidade sira, osan ne’ebé hatama sosa manngeira depende ba familia sira balu hatama $1.50 balun $2.50,” nia haktuir.
Nia mós rekomenda ba parte relevante sira karik iha forsa bele tau matan ba sira hodi dada bee besik ba komunidade sira hodi asesu ho di’ak, NGO AFFOS oferese ai-oan ba aldeia Hoeneno hamutuk 1000 hanesan ai hedan,kaya manis Ai nitas Ai-Wenini,
Entretantu iha suku Bobometo total aldiea hamutuk 9 ho nia populasaun hamutuk Uma kain 9951.
Jornalisra : Felix Fernandes
Editor : Agapito de Deus
