Lafaek News—Primeiru Ministru IX Governu Konstitusional, Kay Rala Xanana Gusmão hatoo apresiasaun boot ba Atoni-Oan ne’ebé ho esforsu kontinua realiza eventu kuda halai taru, no rekomenda prepara duut ba kuda hodi konsumu.
Xanana hatoo asuntu ne’e hafoin loke eventu kuda halai taru iha Oe-Cusse (sábadu29/11/2025 iha Rejiaun Administrativa Espesial Oe-Cussse Ambeno, hafoin halo abertura ba kuda halai taru (corrida cavalo) no kuda hamutuk 90 kompostu grupu tolu hanesan Nusa Tengara Timur (NTT), Covalima no Oe-Cusse rasik, objetivu corrida cavalo ne’e atu komemora loron proklamasaun independénsia ba dala 50 28 de Novembry 1975.
“Inisitiva di’ak kuandu iha polítika atu produs ai-han ba kuda sira, tanba kuda sira-ne’ebé ohin tama mai husi TTU aas tebes, maibé kuda husi Oe-Cusse badak hela, parabens ba imi hotu, ohin ha’u bele haree imi-nia kuda sira atu halai, mais prontu, imi iha ona vizaun ho esforsu bo’ot, apresia tebes imi nia esforsu, imi-nia hanoin, halo nafatin ba, husu de’it katak imi-ne’ebé organiza bele halo kompetisaun maibé prepara mós hahán ba kuda sira,” hatete membro Governu ne’e wanhira halao abertura ba kurida cavalo iha suku Cunha, 29/11/2025
Iha fatin hanesan Prezidente Autoridade RAEOA, Regio da Cruz Salu, konsidera kompetisaun refere bele sai mos hanesan Turizmu desportivu atu bele kontinua investe iha futuru.
“Estabelesimentu corrida ne’e ba futuru bele sai investimentu turizmu desportivu, horsehik ita selebra ona akordu ho parsériu ida husi Indonézia, sei apoia ho sira-nia péritu atu halo formula kona-ba ai-han ba kuda, nune’e bele fasílita kuda na’in-sira, sei fó mós oportunidade ba agrikultór Cunha Lalisuk ne’ebé besik árena ne’e bele investe mós iha ai-han ba kuda, ema hotu bele sai investór mós atu partisipa iha investimentu ho prezensa árena kuda ne’e, ba ita-nia investimentu turizmu desportiva ba modalidade kuda,” nia hateten iha ámbitu ne’e.
Prezidente Assosiasaun Corrida Cavalo Oe-Cusse Ambeno (AKKOA), Mario Muni Salu, mos esplika kompetisaun ne’e sei hala’o too loron 04 Dezembro 2025, no husi kuda hirak ne’e 60 husi Oe-cusse, 20 husi NTT no 10 husi Covalima
Jornalista : Maria José de Jesus
