Lafaek News—Primeiru Ministru IX Governu Konstitusional Kay Rala Xanana Gusmão, husu Atoni-Oan tenke unidade hodi dezenvolve Oe-Cusse diak liu iha future oan mai.
Lider karismátiku ne’e hatoo asuntu hirak ne’e bainhira partisipa iha komemorasaun Proklamasaun Unilateral RDTL ba dala 50 iha Rejiaun Administrativa Espesial Oe-Cusse Ambeno, 28 de Novembru 2025, iha kampu 01 de Maiu Palaban suku Kosta aldeia Sanane Oe-Cusse.
“Ha’u mai iha Atoni sira, loloos ha’u selebra iha Dili, tanba Oekusi iha hela situasaun defisíl, imi kala haree ba malu oin la mós, balu dehan ha’u matenek liu o, tanba ne’e ha’u husu, Atoni-oan sira hamutuk, imi mak sei lori Oekusi ba oin, sei imi la hamutuk ami husi Manatutu mak sei mai,ne’e duni, ha’u mai selebra tinan 50 loron proklamasaun iha Oekusi, la’os atu hasa’e no hatuun de’it bendera, la’e, atu konta istória ne’e liu-liu ba foinsa’e sira, tanba saida mak mosu 28 Novembru no tanba saida mak unilaterál ne’e,” hateten, membro Governu ne’e iha Kampu 01 de Maiu Palaban oecusse
Primeiro Ministru ne’e hateten objetivu primeiru ministru komemora proklamasaun hamutuk ho Oe-Cusse Ambeno la’os de’it ba isar bandeira, maibe konta mos istória iha tempu passadu 1975 nian atu jerasaun foun sira bele hatene situasaun saida mak akontese iha tempu ne’eba.
Iha biban ne’e xefe governu ne’e mos enkoraja atoni-oan sira atu nafatin hakat ba oin oinsa uza kakutak ko’alia ba malu no tulun malu no oinsa hodi hakat ba oin
“Ha’u husu ba Atoni-oan sira hotu, mumentu iha defisíl ruma komplexu ruma atu hadi’a ita-nia rai ne’e, lalika hakfodak no lalika tauk, ba oin maibé uza kakutak, ko’alia ba malu, muda karatér, atoni-oan sira tenki hatudu an atu ami Atoni duni, tan ne’e hakuak bo’ot ba imi hotu, ita selebra ne’e ho hanoin ida fó valór no korajén, ita nia lidér sira iha tempu ne’ebá ,sira mós husu, agora ho korajén mós ba imi hotu hodi lalika tauk bainhira situasaun komplexu ruma ka defisíl ruma hanoin didi’ak haree didi’ak opsaun sira-ne’e, ita la’o ba oin,” nia apela.
Xanana Gusmão mis enkoraza foinsa’e sira no intelektuál sira iha Oe-Cusse, buka hatene istória kona-ba akontesimentu loron proklamasaun 28 Novembru iha 1975, tinan 50 liuba, Entretantu, tema ba loron proklamasaun 28 Novembru 2025 ne’e, “Que a celebrar estes 50 anos, do passado, nos assegure confiança no presente e esperança no futuro”.
Observasaun lafaek news nota iha serimonia isar bandeira iha komemora proklamasaun 28 de Novembru 1975, hetan partisipasaun másimu hosi povu Oe-Cusse kompostu husi joven, inan-aman, veteran no estudante sira inklui autoridade seguransa kompostu husi Falintil-Forsa Defeza de Timor Leste (F-FDTL), Polisia Nasional Timor Leste (PNTL) no padre ho madres sira.
Jornalista : Maria José de Jesus
