Husi: Pe. César Magno
Execelentismos Vice-Diretures,
Execelencia professor sira hotu
Caros estagiários, pesoais escolar
Estimados estudantes Colégio São José Operário (CSJO)
Ohin loron ita halibur hamutuk iha ne’e ho ksolok no respeito bo’ot hodi selebra loron ida ne’ebé laos deit marça istória Timor-Leste maibé mos identidade hosi espirito povo ida ne’e nian ne’e mak tinan lima nulo (50) Proclamação da Independência República Democrática de Timor-Leste (RDTL).
Iha 28 de Novembro de 1975 tinan 50 liu ba, ita ninia lider sira ho brani proclama katak Timor-Leste nação ida ne’e livre no soberana. Ida ne’e nudar hahalok coragem ka berani nian, ne’ebé moris hosi sacrificio no esperança povo ida nian ne’ebé lahakiduk no lakon hodi hodi luta ba ninia dignidade. Ohin metade do século ita hamutuk iha fatin ida ne’e hanesan familia escola Católica Colégio São José Operário be nudar rai doben ida ne’e ninia oan ita moris livre basa ita colheita fuan liberdade nian ne’ebé manan ho esforço oi-oin.
Ohin ita celebra tinan 50, la’os deit ho festa bo’ot ka concerto sira ne’ebé ita admira maibé momento oportuno atu ita ida-idak continua luta ida ne’e, husi ba ita ninia-an saida mak hau bele fó ba rai dobens ida ne’e?
Ba ita hanesan estudante, iha eskola ita precisa aprende katak independência laos deit istória. Maibé hanesan responsabilidade loroloron ne’ebé ita lori iha ita ninia-an. Nune’e iha momento ensino no aprendizagem iha sala de aula, kada livru ne’ebé ita le, kada liafuan ne’ebé ita aprende no hakerek tanto iha lian Tetum, Portugés, Indonéziu ka Inglés, nudar parte husi konstrusaun Timor-Leste ne’ebé forte, justu no livre basa rai ida ne’e atu diak precisa ema ne’ebé iha qualidade educação, ida ne’e mak ita estudante bele halo enquanto hanesan estudante.
Meus senhoeres, minhas senhores e estimados alunos, iha loron komemorasaun ne’e, ita hanoin heroi no martir sira ne’ebé fó-an ba rai doben ida ne’e. ita hanoin mos profesores, inan-aman no lider komunidade sira ne’ebé iha tempu deficil, kontinua tau matan ba ahi esperansa ida ne’e. ba sira hotu, ita fó obrigadu bo’ot.
Iha loron ohin ita mos ho orgulho fó apreciação ba esforço IX Governo Constitucional nian hodi concretiza mehi adesão rai doben Timor-Leste ba ASEAN, mehi naruk tinan 13 nian bele sai realidade tamba ita ninia ukun nain sira serviço hamutuk, luta ne’ebé la hatene kolen no nakonu ho esperança. Sai membru ASEAN nian nudar esperança bo’ot ida ba moris diak maibé mos nakonu ho desafio oin-oin no ida ne’e nudar responsabilidade ita Timor-oan hotu nian, liu-liu ba geração foun, ita precisa conciente katak ita ninia antepassado sira halo buat barak ona, iha tempu agora mos, sira halo parte sira nian no hatudu hela oinsa atu halo buat diak no ita geração continuador sira precisa tau ida ne’e iha ita nia fuan atu Rai Doben ida ne’e ninia moris ba nafatin.
Komemora tinan 50 Proclamação da Independência hanesan comemora ita nia identidade, ita nia cultura no ita nia fé ba futuru ne’ebé diak. Hanesan afirmação katak Timor-Leste, maski iha desafio, sei kontinua tuir dalan ho coragem ho esperança.
Nune’e ita precisa iha confiança, ida ne’ebé halo ita lao ba oin mak UNIÃO ne’ebé nakonu ho fiar atu hari’i Timor-Leste ida ne’ebé justo, próspero no fraterno.
Assim seja!
Viva Timor-Leste! Viva Independência! Viva Colégio São José Operário!
Balide, 28 Novembru 2025
Hakerek Na’in: Pe. César Magno, Diretur da Escola.
