Lafaek News—Komunidade aldeia Saben suku Bobometo, sub-rejiaun Oesilo RAEOA, moris iha kondisaun tristeza iha tempu bailoron naruk laiha bee mos hodi utiliza ba nesesidade moris loro-loron.
Mariana Delfiana Oky, nudar komunidade aldeia Saben, haktuir, aldeia ne’e dezde kedan Timor ukun an, too agora seidauk asesu bee mos, wainhira atu hetan ee mos, tenke la’o ho distánsia dook hodi kuru iha bee-matan Welvibon, loron tomak kuru de’it masa jeregen 3, tanba bee-matan ne’e dook demais liu.
“Ami ba kuru be iha Welvibon neba ne’e distansia ne’e ba mai oras 1no Ami kuru de’it seregen 3 tanba Laiha forsa tanba atu ba kuru be ne tun de’it depois lalin be sa’e fali mai mak araska be seregen 3 ne’e ami uza ba loron ida hanesan hemu tein no fase bikan tanba distansia dok “ Abitante Mariana Delfiana Oki hatoo ba jornalista Media Tour iha aldeia Saben, 24/01/2025
Komunidade tomak iha aldeia refere, moris ho pasiénsia, maske bee-matan dook, maibé sira la lakon badinas, loro-loron ida-idak lori masa, ropa foer no haris iha we-matan Welvibon.
Iha sorin seluk Xefe Suku Bobometo, José Labikai, haktuir nia parte halo hela ánaliza BoQ ho bee-matan ne’ebé boot, maibé presiza osan hodi sosa mangeira atu bele dada too iha komunidade nia leet.
“Problema ba be mos ne iha fatin-fatin so ita hanoin atu kontribui Governu iha osan, más ota tenki planu BOQ tenki iha bee matan ne’e, Ha’u prezisa mangeira hira no osan hira atu realizan ne’e tenki iha planu,” Xefe suku ne’e dehan,
Hatan ba asuntu ne’e, Xefe Departementu Servisu Bee no Saneamentu (SAS) Oe-Cusse, Yosep Illi, resposta katak, ligadu ho problema bee mos iha aldeia Saben nian iha tinan 2021 sira halo ona perfursaun iha mota Noelekta ho tanke Bomba rua no sira sei kontinua halo tan tanke distribuisaun ida iha aldeia Saben hodi fornese bee mos ba komunidade sira.
“Ida ne’e komesa 2020 to 2021 Ita halo perfursaun iha Noelekta Ida ne halo perpursaun deit nia orsamentu atus tolu Liu halo perpursaun ho Tanke Bomba Rua iha 2023 Ami tau tan osan hodi bele kontinua halo tanke distribuisaun ida iha Saben tanke distribuisaun ida iha Oesilo-Vila no tanke Bomba Ida iha Noelekta nian sa’e ba Tumin,” Yosep sublina.
AldeiA Saben nian servisu sei la’o hela, no mota-Bomba mos la’o nafatin no tékniku sira sei loke be semana ida dala 1 hodi atende sira iha bailoron, hahu husi tinan 2000 Mai to Agora sistema ne’ebé SAS implementa iha RAEOA hamutuk 180 husi sistema hirak ne’e 50 resin mak funsiona
Entretantu suku Bobometo Sub-rejiaun Oesilo RAEOA, populasaun hamutuk 9951 ho uma kain hamutuk 2386, nune’e atividade media tour ne’ebé realiza iha suku Bobmeto, tanba apoiu husi Oxfam Timor Leste ho AJTL.
Jornalista : Felix Fernandes
Editor : Agapito de Deus
