Lafaek News— Albertina Tamariza Ruak, oan husi Taur Matan Ruak no Saudoza Isabel Ferreira, kuarta (20/12/2023) hala’o asaun kariedade iha Tasi-Tolu area João Paullo II, hodi fo tulun ba inan Ana Soares ho nia oan nain tolu ne’ebé durante tinan hitu (7) moris iha kondisaun difisil.https://www.lafaeknews.tl/ana-ho-oan-nain-tolu-helik-an-iha-baraka-medida-4×2-durante-tinan-7/
Ana hatoo lia-fuan agradesimentu boot tebes ba vizita oan eis Prezidente Repúblika no eis Primeiru Ministu oitavu governu konstitusional, Taur Matan Ruak, ne’ebé hakat sae ona Ana nia uma laletek Tasi-Tolu hodi haree rasik kondisaun moris Ana ho nia oan nain tolu nian.
“Ha’u hatoo agradese wain tebes ba mana Albertina Ruak bele hakat too mai ha’u nia uma simples ne’e, agradese mos ba media Lafaek News ne’ebé fo ona informasaun ikus ema boot nia oan sira hatene hodi mai tulun ha’u, ha’u laiha buat ida atu fo, maibé ha’u sei harohan ba maromak atu tulun liután mana Albertina bele isin di’ak hodi kontinua tulun ema seluk ne’ebé presiza mos tulun,”Ana Soares hateten ba lafaek news, iha vizita eis Prezidente Repúblika Taur Matan Ruak nia oan feto Albertina Ruak iha João Paullo II Tasi Tolu, kuarta ne’e.
Ana Soares husu ba governu atu tau matan ba ema kbiit laek sira ne’ebé da-daun moris iha situasaun difil, balun laiha hela fatin ne’ebé dignu atu moris hakmatek livre husi udan ho anin.
“Ha’u mos hatoo agradese boot ba jornalista lafaek news ne’ebé la’o ain tama sai povu kiik sira hodi haree moris loro-loron, maromak sei tulun imi la’o ba oin,” Ana Soares hakotu lia.
Jornalista : Natalino C. Lopez
Editor : Agapito de Deus
