Lafaek News–Prezidente Repúblika José Ramos Horta, hatais farda militar hafoin vizita kuarter jeral Falintil Forsa Defeza Timor Leste (F-FDTL) hafoin halo atividade vizita komandante supremu nian ba kuartel jeral.
Iha vizita kargu númeru um ne’e, Horta dehan progresu F-FDTL neneik durante tinan 20 lori dezenvolve no seida’uk kompletu tenki aselera tinan 5 too 10, misaun forsas nian defini husi konstituisaun defeza, independensia, integridade no soberánia.
Asuntu ne’e hatoo husi Prezidente Republika José Ramos Horta nu’udar Komandante Supremu Forsas Armadas hafoin halo vizita ofisial iha edifisiu kuartel jeneral F-FDTL Fatuhada.
Ha’u foin uza farda militar hafoin tinan 1975 foin hatais fali, agradese xefi estadu mak hanesan estadu maior Komandante Supremu, ohin ha’u haree objetivu progresu neneik lori tinan 20 lori dezenvolve I seida’uk kompletu tenki aselera tinan 5, 10 Mai tan nia misaun forsas nian defini husi ita nia Konstituisaun Defeza, independensia, integridade, soberánia”, dehan Prezidente Repúblika Josè Ramos Horta iha edifisiu Kuartel Jeneral F-FDTL Fatuhada Segunda ( 04/07/2022).
PR afirma, iha kontestu ida ne’e, kontestu ba paz buat barak F-FDTL mos halo apoiu hanesan apoiu PNTL kuandu presiza, liuliu bainhira iha fronteira.
Ita bele dezenvolve no fo meius di’ak liu tan ba forsas sira hodi dezenvolve hanesan iha Unidade seria di’ak liu tan, Unidade médika, nune’e forsas mos sempre presente iha aldeia sira, atu ajuda rehabilita eskola, klinka, estrada, Parabns ba governante hotu-hotu husi 2002 too ohin loron servisu di’ak, servisu forsas nian ohin loron lao nafatin”, esplika PR Horta.
Tuir PR Horta, fasilidade no kualidade forsas nian nunka sufisiente tanba forsas laos de’it iha kilat, forsa preparasaun tekniku militar operasionál iha buat barak tan presiza liu no seida’uk kompleta, bele dehan estadu Timor-Leste mos sei fraziu, ne’e duni forsas laos haksoit ba oin estadu iha kotuk.
Area ne’ebé forsas presiza liu tan mak iha area sistema manutensau, logistiku, parte ita nian seguransa màritima seida’uk dezenvolve, esforsu foun atu hahu ona, maibé buat barak lao dadaun para hadi’ak liu tan”.
Iha okaziaun ne’e, xefi estadu Horta hatoo Mensájen ba F-FDTL kontinua misaun, hotu-hotu iha misaun garante ho instituisaun sira seluk tane dame apoia povu.
Iha Visita ofisial edifisiu Kuartel Jeneral F-FDTL ne’e Prezidente Repúblika hanesan mos Komandante Supremu Forsas Armadas hatais farda militar, akompaña husi xefi estadu Maior-jenéral ( F-FDTL), Tenente Jenerál Falur Rate Laek, xefi estadu maior F-FDTL Komodoro Pedro Klamar Fuik, Ministru Defeza Filomeno paixão.
Jornalista : Rita Moniz
Editór : Agapito de Deus
