Lafaek News–Embaixadór Austrália iha Timor Leste, segunda (04/07/2022), vizita korteza Prezidente Autoridade munisípiu Dili ho objetivu atu hametin kooperasaun hodi asegura komprimisu entre Austrália ho Timor Leste iha area kapasitasaun bee mos no programa saude inklui kooperasaun ekonomia.
Prezidente Autoridade munisípiu Dili, Gulhermina Filomena Saldanha esplika, objetivu husi vizita ne’e rasik ,atu hametin relasaun entre darwin ho Dili hanesan sidade ida bin alin, oinsa asegura liután kompremisiu país rua entre Austrália ho Timor-Leste.
Prinsipal ida mak atu mai vizita Dili tanba embaixador dehan vizita hotu ona munisipiu seluk, maibe Dili mak seidauk, segundu mos atu hametin relasaun, no iha ona kompremisu entre Darwin ho Dili hanesan sidade bin-alin, no atu asegura liután ita ninia kompremisu entre Austrália ho Timor-Leste, liu husi kompremisu ne’e mak ita iha ona hanoin atu hasae ekonomia liu-liu ba grupu kiik oan sira ne’ebé hahú halo nia negósiu,’’dehan Guelhermina.
Hodi dehan, husi vizita ne’e hametina relasaun di’ak Dili ho Darin oinsá bele apoiu atividade negosiu kiik sira ne’ebé iha vontade tebes atu partisipa eskluziva iha vida negosiu.
Ita ko’alia kona-ba turizmu oinsá bele ajuda negosiante kiik sira ne’ebé iha ona no sira ne’ebé hakarak tebes atu tama iha area negosiu ninian oinsa sira bele ajuda atu nune ita promove turismu katak buat ne’ebé relasaun ho ekonomia no ita mos bele ba iha Darwin bele promove ita nia produtu hanesan ho post komersias sira ne’ebé iha la’os de’it turista maibé ema sira halo negosiu ekonomia,’’nia akresenta.
Entretantu iha parte seluk Embaixadór Austrália iha Timor Leste, Bill kostello mos reforsa objetivu husi vizita ne’e ko’alia liu kona-ba bee mos, programa saúde no koperasaun ekonomia.
ksolok tebes ohin loron bele hasoru Presidente Munisipiu Dili, ami ko’alia kona-ba Be moos liu liu iha area kapasitaaun, ko’alia bee moos, ko’alia mós kona-ba programa saúde, koperasaun ekonomia tanba Dili hanesan sentru ekonomia, maibé mos hanesan Dili Parseira Ka Sister city ho Darwinn no la’o De’it kona-ba parseria entre Darwin Ho Dili atividade Ekonomia nian,’’ katak Bill Kostello.
Dilpomata ne’e afirma, programa saúde espesifiku liu ba iha sentru saúde ba komunidade sira oinsá bele hasa’e kualidade sentru saúde no komunidade sira bele garante kualidade sentru ninia, kona-ba ekonomia especifiku liu apoiu ba ekonomia kiik sira no mos ekonomia foun sira ne’e mosu atu bele avansa liután no mos ema hotu hatene katak iha ona aviaun regular ne’e semo entre Darwin ho Dili sei iha vizitor barak mai husi Austrália vizitor mai balu turista, maibé mos ema sira ne’ebe bisnis sira ka komérsiu sira, ntaun bele iha liu atividade ekonomia iha Dili,’’Bill hakotu.
Estajiadu : Julião Pacheco
Editór : Agapito de Deus
