Lafaek News–Partidu Kmanek Haburas Unidade Nasional Timor-Oan (KHUNTO) Domingu (03/07/2022), realiza konferénsia nasional daruak II iha sede nasional Manleuana ho objetivu atu haforsa Organizasaun Feto-mane iha vida polítika husi baze too nasional hodi prepara hasoru eleisaun parlamentar 2023.
Prezidente Partidu KHUNTO Armanda Berta dos santos, hateten konferensia nasional ba daruak ne’e atu haforsa organizasaun feto iha vida polítika no mos iha nasional to baze atu konkretiza objetivu partidu KHUNTO iha eleisaun parlamentár.
“Konferénsia ne’e oinsá atu envolve an iha vida polítika ita bele dehan feto Mane no oinsa atu bele foti desisaun ida liu husi ekonomia, sosial, kultura no politika ida ne’e feto nia prezensa importante” dehan Armanda dos Santos.
Nia esplika, organizasaun mulher (OM) nia prezensa importante ba ekonomia, sosial, kultura no politika iha partidu KHUNTO hodi promove feto Timor iha vida polítika hanesan mos ba mane ne’ebé prezensa iha vida politika hodi luta ba rai ida be’e.
“Partidu KHUNTO ha’u fiar katak ho konferensia Ida ohin feto ka mane se bele halo diak liután iha 2023, iha 2023 ita la’os kadeira 5 de’it, se bele aumenta tan konta ho ita boot sira,” hatutan Berta.
Iha sorin seluk Partisipantes husi UN Women Ubalda Alves haktuir, UN women Orgulhu ba partidu KHUNTO ho nia estrutura ne’ebé hala’o konferénsia ba Organizasaun Mulher atu feto nia prezensa iha Vida polítika tan ne’e UN women luta ba igualidade jéneru no kombate violénsia hasoru feto no feto labarik sira iha Timor leste.
“Ami bele hatene liután ba estrutura partidu KHUNTO ninian, no ami hasoru malu feto forte sira iha partidu KHUNTO nian, hodi nune’e Ita hamutuk tau liman Ida de’it atu luta igualidade jéneru kombate violénsia hasoru feto no feto labarik iha Timor leste,” haktuir Ubalda.
Jornalista : Aniceto Dias
Editor : Agapito de Deus
