Lafaek News —Alumi Parlamentu Foinsa’e Timor-Leste (APFTL), kinta (17/06/2022), realiza workshop atu sosializa kona-ba hakerek perfil ba foinsa’e ne’ebé susesu ona no produz video ba ema ne’ebé susesu ona vida negosiu, maibé informasaun seidauk hatoo ba públiku atu motiva foinsa’e seluk hodi la’o tuir.
APFTL servisu hamutuk ho SEJD hodi organiza atividade ida ne’e ba maluk foinsa’e sira ne’ebé iha inisiativa hakerek istória ida ne’e, bolu media sira para bele hakerek foinsae sira ne’ebé durante ne’e susesu ona, más sosiedade la hatene,’’ Membro Parlamentu Foinsa’e Cesar Ferreira Amaran ba lafaek news iha resintu SEJD, kinta ne’e.
Cesar argumenta, kona-ba hakerek istória ema hotu bele hakerek inklui media nasionál ne’ebé iha interese bele hakerek, importante tenke tuir kriteria ne’ebé sosializa ona iha workshop refere, nune’e kriteria hanesan no mínimu media karik tenke iha material ne’ebé atu produs video ne’e kompletu, ema sira ne’ebe hakerek istória iha gravasaun atu grava ema nia lian.
Programa ida ne’e, ita hahu ona iha tinan kotuk, ohin ne’e ba dala rua ona ita realiza atividade ida ne’e, ne’e la’os hanesan ho kompetisaun babain hanesan kompetisaun diskursu publiku ka kompetisaun hakerek babain, ne’e loke ba joven hotu, joven sira ne’ebe iha espíritu hakerek, sira mai aprezenta sira nia ideia iha espozisaun ne’ebe ita sei hala’o iha tempu badak, liu-husi espozisaun ida nee, sira konsege konvense juri sira, entaun nia sei hakerek kona-ba nia maluk sira ne’ebe susesu ona,’’katak membru APFTL ne’e.
Cesar fundamenta, atu ba entrevista joven sira ne’ebé susesu mínimu idade tenke tuir polítika Nasional Juventude nian 15-24 idade, maibé mos la taka dalan ba sira ne’ebé idade 25-35, data rejistsaun hahú segunda semana ne’e, sira mos sei publika iha media Alumni Parlamentu Foinsa’e nian kona-ba saida mak sei lori mai rejista, autor ne’ebé hakerek perfil ne’e bele desidi rasik ninia fontes, bele mos rekomendasaun husi Alumni parlamentu foinsa’e ho SEJD bele desidi fontes.
Ita iha kalendáriu, orsida nia pasa tiha iha espozisaun ida ne’e, iha kalendáriu nia atu hakerek, mínimu iha fulan Agostu nia laran ita publika istória too Dezembru ita publika istória haat 4, iha video haat iha istoria hakerek haat, Iha kriteria espesífiku iha area negósiu, nia tenke kria negósiu ba nia aan rasik, ou nia kria empregu ba ema seluk, atividade ne’ebé nia halo bele fo influênsia no fo mudansa ba ema seluk, no ida hakerek istória rua produz video rua, iha prémiu hakerek istória nian osan 1500-2000, produs video nian 3500-4000 mil. Nia hakotu
Estajiadu : Filipe Soares
Editor : Agapito de Deus
