Lafaek News–Sekretariu Estadu Formasaun Profissional no Empregu (SEFOPE) haruka ona traballadór Timor oan rihun 8 servisu iha Korea sul ho Austrália.
Dadus ne’e hatoo husi Diretor Ezekutivu Sekretáriadu Estratéjia Nasionál de Empregu (SENE- SEFOPE), Jenifer Antonio da Costa Pui ba jornalista sira hafoin reuniaun ho Prezidente Repúblika José Ramos Horta iha Palásiu Prezidensiál Aitarak-laran, sesta (17/06/2022).
Traballadór sira ne’ebé mak dadaun ne’e servisu iha Australia hamutuk miliaun 5, iha Korea kuaze iha rihun 3 mak haruka ba iha Korea”, esplika Diretor Ezekutivu Sekretáriadu ba estratéjia Nasionál de Empregu (SENE- SEFOPE) Jenifer António da Costa Pui, hafoin remata enkontru semanal ho Prezidente Repúblika José Ramos Horta.
Diretor ne’e katak, SEFOPE fasilita Timor oan sira ne’ebé mak servisu iha rai-liur, ne’e laos segredu, programa sefope nian oinsa lori Timor oan ba empregu mak alternativu ne’ebé halo mak SEFOPE haruka traballadóres sira ba servisu iha Austrália no Korea Buka dalan oinsa bele servisu hamutuk ho setor privadu, sentru formasaun sira nune’e bele forma sidadaun sira bele responde nesesidade merkadu trabalu iha rai laran.
Kriteria no mekanizmu atu asesu ba servisu iha Australia no Korea hanesan Austrália tenki hatene lingua Ingles, komunikasaun ho empregador sira di’ak, tenki saude di’ak, fíziku di’ak, Iha Korea mos hanesan, ita fo area Peskas mak barak, ezije saúde, lingua Korea, ezije mos fisiku, tanba peskas ne’e ita hatene servisu ne’e todan dalaruma sira hela iha tasi laran too fulan ida foin sai rai Maran”, esplika Diretor Jenifer.
Entretantu nia afirma, Traballadór sira ne’ebé sai husi sistema, parte SEFOPE sei hadia, tanba governu Timor-Leste ho Austrália halo akordu nune’e traballador labele halai husi sistema, tenki kumpri, SEFOPE sei hadia liu husi sensibiliza informasaun ne’ebe di’ak ba joven sira ne’ebé hakarak ba servisu iha Austrália no Korea.
Estajiada : Zita Menezes
Editor : Agapito de Deus
