Lafaek News–Xefe suku Buruma postu adminitrativu Baukau Villa, munisípiu Baukau, Liborio dos Santos, informa nia parte hala’o ona identifikasaun Uma Kbiit Laek (ULK) iha suku Buruma hamutuk 32 sei entrega ba Programa Nasional Dezenvolvimentu Suku (PNDS) hodi prosesa kontrusaun.
Dadus ne’e hatoo husi xefe suku Burum Liborio dos Santos ba lafaek news, sábadu (18/06/2022), ema kbiit laek barak liu mak suku Buruma kompostu hushi faluk no oan kiak ne’ebe la hetan rendimentu.
Lista ne’ebé ami iha hamutuk 32 foin mak identifika balun hanesan feto faluk Mane faluk no mos ema kondisaun ho defisiénsia sira no hamutuk ema nain 32,balun defisiente, maibé kondisaun Kbiit laek kondisaun la premite sira atu halo servisu atu halo atividade sira,” dehan nia.
Tuir lista ne’ebé iha husi tinan 2020 too mai 2022 hamutuk 32 númeru ne’e konsidera hanesan Kbiit laek duni, husi dadus 32 ne’e iha suku Buruma foin konstrui uma tolu iha aldeia Cas-Muto iha suku Buruma, falta aldeiaa tolu seidauk asesu uma kbiit laek.
Kada aldeia hetan uma kbiit laek tolu, no segundo ne’e suku Buruma hetan uma 9, nune’e iha aldeia tolu mak hetan kompostu husi aldeia Suliwa, Onocere no Tasi, la’os kbiit laek de’it, maibé inklui ema difisiente.
Jornalista : Ana Romana
Editor : Agapito de Deus
