LafaekNews- Sabadu 12/03/2022 kampaña kandidatu prezidente númeru sorteiu 6, Francisco Guterres Lú Olo, promete bainhira re-eleitu dala ida tan promete ba populasaun Baukau hamutuk sei kombate korrupsaun, nune’e bele hadia rai Timor-Leste’
Kandidatu numeru sorteiu 6 Francisco Guterres Lú Olo deklara kestaun ne’e iha intervensaun polítika iha kampaña ba dala 12 iha kampu Darsula sábadu (12/03/22) postu administrativu Baukau villa Munisípiu Baukau.
Ha’u re eleitu tan dala ida ba Presidente Repúblika períodu 2022-2027 promete ba imi Baukau nia oin ita hamutuk sei kombate korrupsaun, korupsaun buat at ida, nune’e bele hadi’a ita nia rai, korupsaun ne’e moras at, ha’u fiar ita nia povu halo ita nia rai ne’e sai kasian ka kiak, husik ema balun mak sai riku, tanba ne’e korupsaun la ho Lú Olo ida”, dehan kandidatu Francisco Guterres Lú Olo.
Lú Olo hatete, Hamutuk ho instituisaun sira ne’ebe estadu ninia kombate korrupsaun, iha PR nia tempu mak promulga lei ida, lei husi Parlamentu Nasionál atu nune’e nai ulun hotu-hotu, tenki rejista riku soin ne’e iha Tribunal mai husi ne’ebé? Tanba ne’e ho razaun hirak ne’e enkoraza Lú Olo rekandidata an ba prezidente Repúblika.
Ho buat sira ne’e hotu mak ha’u mai hamrik iha ne’e, kandidata an dala ida tan, hamutuk ho orgaun sira seluk atu hadia ita rai”, hatete kandidatu númeru sorteiu 6.
Entretantu Kampaña Kandidatu Prezidente Repúblika (PR) períodu 2022-2027, Francisco Guterres Lú Olo, iha Munisípiu Baucau, ensera ho konfrontasaun entre joven sira tuda-malu hodi rezulta apoiante ida mate,konfrontasaun ne’e mosu bainhira kampaña polítika la’o namanas, derepente mosu dezintediemtentu iha apoiantes sira nia nia leet iha oras 14 OTL, situasaun manas da-daun besik tuku 15 OTL tensaun konfrontu aumenta liutan duni malu no balun tuku malu hodi lori fatuk halo funu hasoru malu.
Iha kampaña Lú Olo nia ninin ho rohan kandidatu ho nia ekipa fila ona mai Dili, hodi preparan kampania iha munisípiu Atauro (munisípiu Foun), lider partidu FRETILIN hirak ne’e fila informasaun espaila iha fatin kampaña katak konfruntu ne’ebé mosu iha komísiu polítika Lú Olo nian rezulta joven ida husi Buibau, maske lori too uma tratamentu Hospital Referal Eduardo Ximenes Baukau, maibé labele salva.
observasaun iha kampaña Kandidatu númeru sorteiu 6, hetan partisipasaun másimu husi militantes no simpazitantes partidu FRETILIN mai husi postu administrativu neen (6) kompostu postu administrativu Baukau-Villa, Baguia, Laga, Kuelikai, Venilale ho Vemasse halibur iha kampu Darsula kuaze ema rihun ba rihun partisipa hodi rona komsísiu polítika husi kandidatu prezidente repúblika Francisco Guterres Lú Olo, iha observasaun husi PDHJ, CNE, STAE, Uniaun Europeia inklui observdor nasional no internasional no apoiu seguransa másimu husi PNTL munisípiu Baukau.
Jornalista : Rita Moniz
Editor : Agapito de Deus
