Lafaek News--Kandidatu Prezidente Repúblika númeru sorteiu 8, Tenente Jeneral Reformadu, Lere Anan Timur, sábadu (12/03/2022) halo video konferénsia ho oan no beioan, inklui apoiantes sira iha sidade Oxford-Inglaterra husu atu hatudu imajen di’ak Timor Leste nian iha rai liur.
Iha video konferénsia ho durasaun mais ou menus minutu 20 ho Jeneral Reformadu Lere Anan Timur, hetan partisipasaun husi apoiantes Timor-oan lubuk ne’ebé husi fatin-fatin hanesan sidade Bridgwater, Reading, Bristol, Leamington spa no Oxford.
Iha video konferénsia ne’e, Jeneral Reformadu fitun 3 rekomenda Timor-oan sira iha liur ne’ebé reprezenta estadu no nasaun Timor Leste, no sai diplomata di’ak Timor Leste nian iha ema nia rai, sai hanesan jerasaun Patrimóniu Estadu, hatudu imajen di’ak Timor Leste iha mundo. https://lafaeknews.tl/lat-prontu-hasoru-politika-nain-neebe-halo-ona-politika-tinan-20/
’Ha’u mos orgulho ba imi nia esforsu bele apoiu ba dezenvolvimentu no ekonomia iha rai laran, hatutan Iliomar oan husi video konferensia ne’e ho Timor-oan iha Oxford.
Jeneral Lere mos hakarak rona mensajen husi Timor-oan sira iha rai liur atu bele motiva nia hodi avansa nafatin ba kandidatura ida ne’e.
Ha’u atu avansa nafatin ba kandidatura ida ne’e, avansa too mate tuir prinsípiu ne’ebé ha’u komunga durante tinan 24 nia laran, noe husu alin, oan no feton sira nia lian mak sei fo motivasaun ba ha’u no mos ba ekipa tomak atu brani, servisu makaas atu ita bele manan iha eleisaun 19 Marsu tuir mai,imi nia votus ba númeru 8 sei Marka diferensa,’ katak Lere iha video konferénsia ne’e.
Liu husi intervensaun badak husi Moizes Vaz, husu Lere Anan Timur atu tau matan ba nia povu ne’ebé depozita ona konfiansa tomak se karik sai Prezidente Repúblika ba periodu 2022-2027, Programa video konferénsia ikus taka ho Mini-kampaña ne’ebé lidera husi Ekipa LAT iha Inglaterra, Intervensaun kada apoiantes no dahur.
Kontributor, Denis Santos Husi Oxford Inglaterra
Editor : Agapito de Deus
