Lafaek News– Koordenadór Ekipa Vitória Manufahi kandidata Isabel da Costa Ferreira, Rumão Piedade Mendonca, husu partidu polítiku (Parpol) kompostu husi partidu CNRT, FRETILIN, KHUNTO, PD, PLP tenke vota ba kandidata númeru 1 hodi reprezenta feto ida iha Timor-Leste hodi hametin paz ho dame.
Ha’u konvida partidu CNRT, FRETILIN, KHUNTO, PD, PLP ne’ebé asentu iha parlamentu keta haluha iha dia 19 vota ba númeru 1, vota ida reprezenta ita Timor-Leste,” dehan Rumão Mendonça ba Lafaek News hafoin partisipa mini kampania husi kandidata númeru sorteiu 1 iha Same Manufahi, Tersa (08/03/2022).
Rumão argumenta, partidu sira tenke hili kandidata independente Isabel Ferreira tanba nu’udar feto ida ne’ebé uluk hamriik ho fiar an hamutuk ho rede klandestina sira iha tempu okupasaun luta ba direitus humanus.
Tanba ita nia kandidatura ho fiar an hamutuk ho ita nia rede klandestina luta ba ita nia direitus humanus, ohin hamriik fila-fali luta dala ida tan ba povu nia moris hodi hasai husi ki’ak no mukit,” informa Nia.
Enkuantu kandidatura Isabel da Costa Ferreira tenke manan iha rai munisípiu Manufahi atu bele reprezenta feto sira hotu iha Timor laran tomak tanba kadidatura hotu ho nia konviksaun ida-idak maibé fiar katak kandidata independete sei halo diferensa tanba ho konviksaun Maromak, Familia no Estadu.
Ami fiar katak ami nia kandidata númeru 1 doutora Isabel sei halo diferensia ho kandidatu sira seluk, tanba nia ho konviksaun ida iha prinsipiu tolu mak Maromak, Familia no Estadu,” katak Nia.
Nia akresenta, hanesan Manufahi oan orgullu tanba primeira vez, feto ida reprezenta Manufahi no feto Timor tomak hodi kandidata an ba Prezidente Repúblika ho prinsipiu di’ak atu luta ba povu nia moris di’ak liuhusi partisipa direita ba povu hodi rezolve problema ne’ebé povu enfrenta.
Ha’u hanoin katak tempu ona ita fó votu ba ita nia inan doutora Isabel atu reprezenta ita tomak la’os de’it Manufahi maibé iha territoriu Timor laran tomak,” Hakotu Rumão.
Jornalista : Juvita dos Santos
Editor Agapito de Deus
