Lafaek News-(Kovalima)-Komisáriu Politiku munisipiu Kovalima Movimentu Kolimau 2000, Elizio Gusmão deklara, hili ona, fihir ona lider hotu-hotu, maibé lider ida ne’ebé halo nasaun Timor-Leste hakmatek maka Francisco Guterres Lú Olo apoiu tur iha Aitarak-laran.
Ami mai iha ne’e laos partidu maibé, Movimento ida hanaran, movimento klandestina/kolimau 2000 atu apoiu ba kandidatu Francisco Guterres Lú Olo, objetivu katak, ita hotu-hotu hili ona, fihir ona, lider hotu-hotu, maibé lider ida ne’ebé nasaun Timor-Leste hakmatek mak lider Francisco Guterres Lú Olo”, dehan Elizio Gusmão iha nia intervensaun hafoin kampañia dalimak kandidatu númeru sorteiu 6iha kampu Futebol Ladi Suai, segunda (07/03/2022).
Tuir komisariu Kolimau 2000 ne’e promete sei mobiliza membru Koliamau 2000 hotu iha munisípiu Kovalima atu fotus konfiansa ba kandidatu númeru 6 Francsico Guterres Lú Olo hodi manan iha rondu dahuluk iha loron 19 fulan Marsu tinan ne’e.
Ita hamutuk fo liman ba malu labele hare ba pasadu, maibe hare ba futuru oinsa bele kria nasaun ne’e bele hakmatek liu liu rai Covalima, lao kalan loron iha situasaun hakmatek nia laran”, tenik komisariu Kolimau 2000″.
Iha fatin lahanesan Vise Prezidente CPN Partidu PLP, António Freitas husu ba militante partidu Libertasaun Populár (PLP), ihq Munisípiu Ainaru atu vota ba kandidatu númeru sorteiu 6 Francisco Guterres Lú Olo, maibé Admite kandidatu númeru sorteiu 6, partidu PLP delakara ofisialmente iha Sede Metiaun atu vota konsiénsia no limitadu .
Militante partidu Libertasaun Populár (PLP), ihq Munisípiu Ainaru atu vota ba kandidatu númeru sorteiu 6 Francisco Guterres Lú Olo, maibé Admite kandidatu númeru sorteiu 6, partidu PLP delakara ofisialmente iha Sede Metiaun atu vota konsiénsia no limitadu”, dehan Vise Prezidente CPN Partidu PLP, António Freitas iha kampu Futebol Ainaru Villa hafoin iha intervensaun ba kampaña da neen nia kandidatu Francisco Guterres Lú Olo segunda (07/03/2022).
Entretantu nia haktuir, maibé konsiénsia limitadu signifika dehan númeru sorteiu 14 mak PLP iha Ainaru labele vota tanba ne’e husu ba militante partidu PLP iha Ainaru kumprimenta ba desizaun ne’ebé partidu deside, pessoalmente hamriik iha ne’e apoiu ba kandidatu Lú Olo ba Prezidente Repúblika.
Prezidente Repúblika komprimenta ba inkonstitusional, Prezidente Repúblika Lú Olo mós Timoroan nu’udar girileiru 24 ne’ebé tun mai ai laran, serake tenke halo people power hasoru atu hatun Lú Olo lae”, hakotu nia iha kampania da neen nia iha Munispiu Ainaru.
Jornalista : Rita Moniz
Editor : Agapito de Deus
