Lafaek News- Sentru Integradu Jestaun Krije- Sala Situasaun (SIJK-SS) ohin domingu (11/04,2021) liu husi ekipa vijinánsia kontinua rejista kazu pozitivu covid-19 iha Dili na’in 27 inkluí kazu inan ida sin-rua fulan 9, tama izolamentu iha Vera-Kruz, no totál baixa sa’e ba 536
Tuir Koordenadór Forsa Tarefa ba Prevensaun no Mitigasaun Surtu Covid-19, Rui de Araújo, informa, Iha munisípiu Dili, iha dia 11 de Abril deteta kazu foun 27. Nune’e, kazu detetadu ka pozitivu iha Munisípiu Dili husi dia 7 de Marsu 2021 (loron ne’ebé hahú deteta kazu iha cluster BTN II, Terra Santa, Madohi), to’o ohin, 11 de Abril de 2021, hamutuk hotu 823,
“Munisípiu Dili, iha dia 11 de Abril deteta kazu foun 27,ohin iha tan kazu detetadu ho kategoria moderadu baixa iha izolamentu Vera Kruz Kazu ida-ne’e inan isin-rua fulan 9 ida , hein atu tama prosesu partu hamutuk hotu iha kazu moderadu na’in 3 iha Vera Cruz, Pur enkuantu, sira hotu nia kondisaun estável,” esplika Koordenadór Forsa Tarefas ba Prevensaun no Mitigasaun surtu covid-19, Rui Maria de Araújo ba jornalista sira liu husi komunikadu imprensa, Domingo (11/04/2021)
Nune’e, nia imforma, kazu detetadu ka pozitivu iha Munisípiu Dili husi dia 7 de Marsu 2021 (loron ne’ebé hahú deteta kazu iha cluster BTN II, Terra Santa, Madohi), to’o ohin, 11 de Abril de 2021, hamutuk hotu 823, no ohin ohin iha Munisípiu Baukau deteta kazu foun 1, Kazu ida-ne’e halo viajen husi Dili Hamutuk hotu iha Baukau iha 36 kazus detetadu ho baze ba informasaun ne’ebé disponível, ekipa konjunta saúde hafo fali revizaun ba foku propagasaun ka cluster iha Munisípiu Baukau no uza Postu administrativu nu’udar área jeografika foku ka propagasaun cluster totál iha cluster 6 iha Baukau.
Iha Munisipiu Bobonaru deteta tan kazu foun 1 no iha Munisípiu Ainaru deteta tan kazu pozitivu 2, iha munisípiu Ermera deteta tan kazu pozitivu 7 Kazu hirak ne’e hotu, halo viajen husi Dili.
Koordenadór ne’e afirma, husi horiseik mai ohin, hamutuk hotu laboratóriu nasionál saúde halo 1120 testes PCR, ho detalles hanesan tuir mai; vijilánsia sentinela : 50, Rastreiu ba kontaktu (Contact tracing): 53, Rastreiu Aleatoriu (Random Screening): 216, Viajen sai husi serka sanitária Munisipiu Dili: 531,Viajen internasionál: 225, Follow up iha quarentena: 45.
Dadus jerál Covid-19 ba loron ohin 11/04/2021 nian Kazu detetadu foun 38 (27 iha Dili, 11 iha Munisípiu sira seluk), Kazu rekuperadu iha loron 11 de Abril 2021: 33, totál kazu ativu ohin loron 11 de Abril 2021: 536 husi totál kazu detetadu foun ohin mane 15, feto 23, Husi totál kazu detetadu foun ohin: 100% asintomátiku.
Jornalista : Sandi Belo
Asisten Editór : Egidio Nono
