Lafaeknews-Eis Prezidente Repúblika Demokrátika Timor-Leste (RDTL), Kay Rala Xanana Gusmão la konkorda parte saúde atu hakoi mate isin iha semitériu tanba matebian la’ós mate tanba Covid-19, nune’e husi Ministériu Saúde (MS) obriga foti mate isin mak ami sei baku rahun ambulánsia.
“Ami hein ambulánsia husi ministériu saúde nian mai, ami baku rahun hotu tanba ha’u nia subriñu sira kee ona rai kuak hein mate isin iha nia rezidénsia kotuk,” dehan Xanana bainhira halo diskusaun ho Ministra Saúde iha odamatan boot Izolamentu Vera cruz Díli, Segunda (12/04/2021).
Xanana dehan, parte família kompriende saúde sira nia protokolu, maibé eis prezidente ne’e hein ambulansia husi saude iha portaun izolamentu vera crus.
“Ambulanaia la tama soke ami iha ne.e mate mak ambulánsia bele tama, tanba pasiente mate ne’e moras estrok no kabun bubu to’o ona fulan ida família matebian lori mai konsulta dehan posizivu Corona, maibé nia fen ho oan sira negativu fali ida nee mak ami la simu, maibé ami la’ós la fiar ita boot sira nia servisu,” Xanana Deklara.
Xanana afirma, família tomak diak hela matebian nunka sai ba main hakfodak lori ba ospitál dehan matebian pozitivu COVID-19 fali, maibé nia familia sira diak hela inklui nia oan no matebian nia fen test negativu.
“Matebian nia fen nia oan no bei oan sira isin diak hotu halo nusa mak ha’u bele fiar pasiente ne’e mate tanba Corona virus, maibé ami respeitu Ministériu Saúde nia protokolu, maibé dehan pasiente ne’e mate tanba Corona ne’e ami la fiar,” Nia deklara.
Entretantu Avo Xanana mos Ohin mai iha izolamentu Vera Cruz lori kedas mate isin nia kaisaun atu lori fila mate isin ba Matebian nia rezidénsia atu halo mate isin iha nia knua no tuir kultura nian.
Jornalista : Orlando Magno
Editór : Floriano Soares
