Lafaek News–Reprezentante eskola Institutu Universidade Boaventura Timor Leste (UBTL), Antonio Nunes Magno, deklara UBTL iha fakuldade 4 kompostu husi Agrikultura, Saúde, Teknika, no ekonomia, maibe fakuldade rua seidauk hetan lisensa nasional husu Ministeriu relevante atu tulun ba iha formasaun ba fakuldade atu bele prepara rekursus humanus.
Nia hatoo asuntu ne’e hafoin partisipa iha eventu vizita Prezidente Republika nia reprezentante Xefe Kaza Sivil Francisco Maria de Vasconsellos iha eskola Universidade Boaventura Timor Leste, haburas siénsias desenvolve nasaun (UBTL).
“iha Eskola ne’e iha fakuldade haat, fakuldade agrikultura, saúde, teknika, no ekonomia, iha fakuldade haat refere iha fakuldade rua mak hetan ona lisensa nasional husi ministeriu maibe fakuldade rua seluk sei iha hela prosesu, kontinuasaun hodi hein lisensa husi Ensinu superior,”Deklara Reprezentante eskola Instituto Universidade Boaventura Antonio Nunes Magno iha Manufahi, Segunda (16/08/2021).
UBTL eziste foin kompleta tinan 4 ho prezensa reprezentante Xefe Estadu husi Xefe kaza Sivil Francisco Maria de Vasconsellos, sei lori aspirasaun iha eskola ba too parte kompetente hodi buka solusaun atu nune’e estudante sira bele kontinua bele partisipa nafatin iha prosesu investimetu rekursus umanus.
“Ho hanoin hirak ne’e ami mos hakarak hatoo ba repentante Xefe estadu no membru Governo ne’ebe mak ohin mai iha fatin ida ne’e ami presiza tebes ita bot sira nia tulun ba iha formasaun sira iha fakuldade ninia oinsa hodi bele prepara rekursus Humanus ba iha Munispiu ida ne’e no mos em jeral iha nasaun RDTL liliu ba Desenvolvimento costa sul ninia sai programa estrateziku”.
Iha fatin hanesan Xefe Kaza sivil Francisco Maria de Vasconsellos deklara iha nia diskursu katak nia parte sei lori preukupasaun hirak ne’e ba Xefe Estadu oinsa mak trata ho governu, hanoin iha futuru debate iha Parlamentu Nasional karik bele haree tau iha ajenda diskuti atu oinsa mak dezenvolve edukasaun ba iha futuru.
“Iha eskola ida ne’e ita rona ona iha fakuldade haat, fakuldade rua mak hetan ona lisensiatura no rua seluk sei prosesu hela, iha ita nia rai halo tia Institutu sira ensinu superior nia hamrik ketak tiha iha dezenvolvimentu rai ne’e, tan ne’e ha’u nia hanoin atu hatoo ba ita boot sira li-liu administrador prezidente munisipiu oinsa mai integra institutu sira hansan ne’e iha estudus iha Peskiza ba Dezenvolvimento munisipiu Manufahi ida ne’e,” katak reprezentante Xefe Estadu ne’e.
Jornalista : Rita Moniz
Editor : Agapito de Deus
