Lafaek News–Koordenador Eskola Bazicu Sentral 1,2 (EBS) Kaisero munispiu Ainaro, Gil Vicente, husu apoiu urjente ba Ministeriu Edukasaun atu hadia ne’e tanba udan estudante sira labele halo aprendizajen iha laran.
Koordenador hatoo kestaun ne’e iha eventu vizita husi reprezentante Prezidente Repúblika Xefe Kaza Sivil, Francisco Maria de Vasconselos akompañia ho Ministru Edukasaun Juventude Desportu (MEJD) Armindo Maia, MTCI, Vise MSSI, Seekoop, MAp, iha Eskola EBS Hato-Udo munisipiu Ainaru.
“Ami husu ajuda urjente hadia eskola nia kondisaun tolu ne’ebe da-daun ne’e grave tanba udan estudante sira labele halo aprendizajen iha laran husu ministeriu relevante atu bele hadia urjente, tanba rin kuak, amesa ba estudante sira Deklara Koordenador Eskola Basico Sentral1,2 (EBS) Caisero munispiu Ainaro postu hato-Udo Gil Vicente tersa 17/06/2021.
iha fatin hanesan Xefe Kaza Sivil Francisco maria de Vasconsellos dehan, Prezidente Republika preokupa tebes edukasaun iha rai laran, eduakasun fator determinadu eskola mak halo ema sai util hanesan sidadun Timor.
“PR sei ko’alia ho membru governu sira hodi tau matan ba eskola kondisaun sira hanesan ne’e,” afirma reprezentante PR ne’e.
Iha Sorin seluk Ministeriu Edukasaun Juventude no Desportu(MEJD) Armindo Maia deklara promete sei halo iha 2022 mai haree ona kondisaun at duni, tanba edukasaun mak hun ba sidadun hotu atu aprende.
Eskola EBS harii iha 2007, kompostu husi aula 6, aula tolu di’ak, maibe iha aula tolu kodisaun grave, professor hamutuk 7, alunos hamutuk 80 kompostu husi mane 38, feto 42.
Observasaun jornalista Lafaek News iha terenu nota katak,eskola refere rin, odamatan kodisaun taka la diak, aula ida fahe halo kuartu 2, kadeira kondisaun la di’ak atu fasilita estudante tur hodi aprende materia.
Jornalista : Rita Moniz
Editor : Agapito de Deus
