Lafaek news–inan faluk Cecilia de Jesus Barreto, sente la seguru iha lala’ok peregrinasaun iha mundu ne’e, tanba la hakmatek no fuan taridu bainhira hela iha uma ne’ebe ho rin lahuk nia okos, no uma ne’e hasoru ona inundasaun dala rua tui-tuir malu provoka bee nakonu iha um laran husi loron too kalan.
“Ha’u nia uma ne’e kondisaun hanesan ne’e foin lalais udan ne’e banjir dalarua kedas bee nakonu tiha uma laran ha’u atu halo fali ha’u nia uma mos ha’u nia forsa la to’o,”dehan faluk ba jornalista lafaek news iha Akadiruhun foin lalais nee
Faluk Cecilia hateten nia sente triste tamba nia laen mate ona nia uma ne’e harii iha tinan 1989 too agora piku ne’ebe didin ba uma ne’e mos a’at ona, ain rin lahuk a’at no kalen mos kuak bainhira udan bee tama uma laran no susar tebes ba inan faluk ne’e.
” Triste tanba ha’u nia laen mos mate iha tinan 2020 no ha’u nia kondisaun uma mos la di’ak ona kalan mak anin boot ne’e ha’u fanu hotu ha’u nia oan sira tuur de’it too hein anin para mak toba piku ne’ebe mak uja hodi didin ba uma ne’e mos aat hotu ona kalen mos kuak hotu ,”dehan faluk
faluk Cecilia iha oan nain lima kompostu husi mane rua no feto tolu ,iha feto ida no mane idaforma ona uma kain nain ketak, nain tolu seluk ne’e remata hotu estudu iha sekundariu, nesesidade lor-loron ba inan faluk ne’e depende de’it ba nia oan feto ne’ebe forma ona uma kain ne’e, maske hanoin hela atu halo negosiu maibe osan laiha.
Tuir observasaun jornalista lafaek news iha terenu nota katak inan faluk Cecilia nia kondisaun uma didin piku ho kalen no piku ne’ebe mak didin ba uma ne’e a’at ona kalen kuak wainhira udan be’e tama no kalen frujen hotu .
Jornalista : Domingas Viana
Editora : Agapito de Deus
