Lafaek News--Eis Prezidente Repúblika no eis komandante em xefe das Falintil, Kay Rala Xanana Gusmão, lori domin Natal ba Labarik sira iha, Fundasaun Juventude Komunikasaun (FCJ), Sentru Miguel Magone (Uma mahon) hodi halimar fo haksolok ba kiik oan sira iha loron natal nian inklui oferese Nesesidade báziku hodi sustenta Labarik sira nia moris lor-loron.
Vizita ne’e derepente de’it, lider karizmatiku ne’e ho jestu kómiku halo labarik sira hamnasa ho kontente bainhira hakat ain tama portaun Uma mahon nian, vizita ne’e iha tuku 15:40, hodi oferese sasán nesesidade bázika ba labarik sira iha SentruMiguel Magone Balide.
Observasaun Lafaek news, nota, Líder karismatiku kay Rala Xanana Gusmão, tun husi kaer ho ekipa hodi hakat tama ba uma mahon laran, too ko’us kedas bebe ida ne’ebé hela iha uma mahon nain no goza malu halimar ho vítima sira ne’ebé asegura iha uma mahon no mós kanta no halimar ho labarik sira iha Uma Mahon.
Sasan nesesidade bázika ne’ebé Xanana oferese mak kompostu husi Foos, mina, no dosi hanesan cake iha momentu ne’e, Xanana mós fo han dosi Cake ba labarik sira iha uma mahon Sentru Miguel Magone, antes mai vizita iha uma mahon, líder Karizmátiku ne’e mós, dadersaan vizita prizoneiusi sira iha prizaun Bekora.
Jornalist : Egidio Nono
Editor : Agapito de Deus
