Lafaek News--Padre Pároku Balide, Graciano Santos Barros husu sarani sira hamos fuan antes tama misa natal kalan,kosok oan Jesus moris mai lori dame domin unidade no paz ba ema hotu iha ho laran mos.
Natal kalan ne’e bolu ita nia atensaun atu ita loke laran ba maromak loke ita nia fuan ba jesus kosok oan ho fuan ne’ebe mos, tanba nia moris lori dame domin unidade paz no pasiénsia,” dehan Padre selebrante Graciano ba jornalista Lafaek News iha igreja Balide Dili, sesta, 24/12/2021.
Natal kalan hanesan adventu festa boot hodi selebra loron santu natal kosok oan jesus ne’ebe moris iha prezepiu bibi nia luhan iha tinan rihun rua liu ba reprezenta ema kbiit laek la’o rai no kuda domin ho maluk sira, selebrasaun Natal ninian mak domin, Paz, simplisidade, tan kosok oan ne’ebé mai moris iha sarani nia leet hanorin hadomi malu, haraik aan no moris iha simplesidade hakarak sai realidade, bainhira ema ida haraik aan no halo tuir kosok oan jesus.
Pe. Graciano esplika, Iha misa natal kalan ne’e nai Jesus moris lori sarani sira ba naroman hodi moris ho haksolok hanesan maromak oan, hatene fiar, hadomi maluk sira, tan ne’e husu ba nai Jesus atu haraik fuan domin nune’e sarani hotu bele hadomi malu hodi halakon odiu vigansa ba malu.
Natal lori haksolok mai ita atu ema hotu bele hetan kontente, maibe buat neebe importante liu mak ita nia fuan tenke mos hodi sai prezente diak ida atu simu nai maromak iha ita nia fuan,” Pe. Grasiano afirma.
Selebra Natal ida ne’e mos realizasaun promesa profeta sira nian iha sagrada eskritura kona-ba Mesias no Salvador ne’ebe sei mai, ida ne’e hetan konkretamente iha na’i Jesus ne’ebe selebra ninia natalísiu iha loron 24-25 fulan Dezembru.
Natal ita selebra jesus nia loron moris halo ita hadomi malu, hametin ita nia fiar ba nai maromak, tanba jesus moris iha ita leet ho simplisidade haraik aan atu hariidame, unidade no harii domin entre ita ho ita no mos ita ho maromak,” Pe. Selebrante Graciano hakotu.
Observasaun jornalista Lafaek News nia iha resintu igreja Balide nota partisipa iha misa natal kalan ne’e, sarani besik rihun resin mak partisipa misa santu Natal iha Igreja parokia Balide Dili, no sarani balun obrigadu tenke tuur de’it iha rai ho razaun fatin limitadu no Igreja laran laiha espasu tanba ema barak liu.
Jornalista :Orlando Magno
Editor : Agapito de Deus
