LafaekNews-ekipa redasaun media lafaek news simu vizita lider karimzátiku Kay Rala Xanana Gusmão, hodi haree kondisaun studiu sentral Televizaun (TVLN) streaming Lafaek News,Balide Dili ne’ebé apoiu husi Fundasaun Forum Komunikasaun Juventude (F-FCJ), Oratoriu Dom Bosco, Sentru Miguel Magone
Xanana hakat Tama husi odamatan lafaeknews nian, nia hateke kedan ba panfletus (baner) ne’ebe harii besik hela parede lolon hakerek programa ne’ebe ho nia titulu Ko’alia Ho Faktus, eis prezidente repúblika hateke husi metru 5 ne’e hodi lee letra ne’ebé hakerek ko’alia ho faktus.
Ko’alia ho faktu,hei ko’alia ho faktus labele ko’alia arbiru,”dehan Xanana, iha vizita studiu lafaek news iha Balide Dili, (24/12/2021).
Iha okaziaun ne’e Xanana dadalia ho Xefe Redasaun lafaek news (Acacio Pinto) kona-ba ezistensia lafaek news no situasaun ne’ebe durante ne’e instituisaun refere infrenta.
Lafaek news simu vizita lider karizmátiku ne’e, tanba mai oferese nesesidade bázika ba iha uma mahon Fundasaun Forum Komunikasaun Juventude (F-FCJ), Oratoriu Dom Bosco, Sentru Miguel Magone, hanesan prezente ba natal nian ba vítima sira iha uma mahon hodi halimar no haksolok hamutuk ho labarik sira.
Xefe redasaun Lafaek News, Acacio Pinto, orgullu tebes ho prezensa lider karizmátiku ne’e, tanba konsege hakat ba uma laran (edefisiu Lafaek News)hodi vizita haree kondisaun ne’ebe media kiik ne’e enfrenta.
Vizita ne’e hanesan orgullu boot ida, no agradese ba maun boot tanba bele vizita ona nia fatin lafaek news hodi observa direta ami nia kondisaun ne’e ami iha,” Acacio Pinto relata.
Xanana Gusmao hamriik iha edefisiu ne’e nia laran kuaze minutu 20 no hakat mos ba fatin financas nian molok hakat sai ba liur hodi fila ba fali nia rezidensia babain.
Jornalista : Egidio Nono
Editor : Agapito de Deus
