Lafaek News—Prezidente Repúblika liu husi Xefe Kaza Sivil , Bendito dos Santos Freitas katak Prezidente Repúblika tau matan ba Letícia Soares nu’udár jestu sinál domin husi avô ba beioan mezmu nu’udar kargu númeru 1 iha nasaun maibé sentidu humanu no karizma domin forte tebe-tebes
Reprezentante Xefe Estadu ne’e hato’o asuntu ne’e hafoin entrega osan $2.000.00 (Dois Mill dolar Amerikanu) ba Leticia Soares Gonçalves hodi loke kios iha área Universidade da Paz Manleuana.
“Itá nia prezidente tau matan ba Itá nia bei oan Letícia ne’e hanesan jestu sinál domin husi avô ba nia beioan maski nu’udar kargu númeru 1 iha itá nia nasaun maibe nia sentidu humanu no karizma domin ne’e forte tebes, tanba Letícia ho korajen no buka dalan hodi to’o iha Palásiu hasoru PR ikus hetan naroman hotu hodi tulun ninia pasu hodi hakat ba oin”, dehan xefe Kaza Sivil Prezidensia Repúblika Bendito dos Santos Freitas hafoin entrega keos iha Manleuna UNPAZ kinta ( 27/04/2023).
Xefe Kaza Sivil Bendito deklara, Presidensia la’os governu ne’ebé orsamentu boot hodi responde buat hotu, maibé iha prioridade ne’ebe prezidente konsidera importante, atu tau matan bele tulun ki’ik oan sira ba futuru ne’ebé mak diak. hare tuir kbiit finanseiru ne’ebé iha bele ajuda no kuandu prezidente Repúblika kbiit la to’o submete karta ba governu bele tau matan ba síra.
“Itá boot idade ne’ebé sei ki’ik keos ida ne’e hanesan banku ida, no la’o neneik osan refere sei suporta ita to’o universidade no dala ne’ebé ita boot hili ba aban bairua sei di’ak liu”, katak nia.
Iha fatin hanesan Benifisiariu Letícia Soares Gonçalves mós hato’o agaradesimentu ba ekipa prezidensiál ne’ebe tulun ona nia hodi hasees an husi susar ne’ebé nia enfrenta.
“Prezidente Repúblika apoiu osan $.2000 hodi loke keos ne’e hatutan ha’u moris, keos ne’e hafoin semana ida hetan ona osan $200, prezidente Repúblika apoia finanseiru de’it la inklui konstrusaun Kios,” katak Letícia
Jornalista: Rita Moniz
Editór : Agapito de Deus
