Lafaek News—Ministériu Soliedariedade Sosiál no Inklusaun (MSSI) liu husi Departamentu Apoiu Reabilitasaun Reinsersaun Sosiál (DARRS), Januário Freitas Ximenes hateten, moras mental sira ne’ebé la’o iha fatin públiku atu hetan tratamentu dignu presiza família nia akompaniamentu.
“Defisensia moras metal presiza liu família nia akompainamentu tenke di’ak, atu hetan apoiu husi ministeiru liu husi proposta ruma ba ministeriu atu hatene katak ema ne’e presiza apoiu ruma, tanba moras mental ne’e presiza los aimoruk atu bele konsumu loron-loron,” dehan DARRS, Januário Freitas Ximenes, ba lafaek news iha nia knaar fatin MSSI kaikoli, kuarta, (3/02/2021).
Nia hatutan, bainhira família mai hato’o informasaun ba ministeriu atu tau matan, ekipa tun direitamente hodi halo koordenasaun atu bele haruka ba iha fatin ne’ebé governu prepara.
“Apoiu ministériu nian ajuda ema hodi transfere ba iha fatin Saun de Deus Laklubar atu bele halo rekuperasaun ba ema moras mental sira, maibé inportante liu maka família sira tenke tau matan,” tenik nia.
Nia esplika, bainhira defisiénsia moras mental iha sentru Laklubar rekupera fali saúde hodi integra fali ba família sira, maibé tenke tuir orientasaun ne’ebé dotor sira fó katak sira di’ak fila ba uma família tau matan nafatin.
Nia dehan, dala ruma fatin maka la sufisiente ba sira maibé sempre iha kordenasaun entre ministeriu ho sentru internamentu Lakubar, se fatin livre no presiza nain hira maka atu halo tratamentu iha ne’eba, fatin seluk maka klibur domin Tibar maibé ne’e atu kontinua tratamentu ba sira.
Nia fundamenta, liu housi MSSI no DARRS, husu ba komunidade sira ne’ebé nia família defisiénsia mental halo kordenasaun ho autoridade lokal no sentru soliedaiedade sosial sira iha muisípiu atu bele buka dalan nune’e konsumu ai-moruk no hetan tratamentu iha sentru ne’ebé governu prepara.
Nune’e mós nia relata, total defisiénsia mental ne’ebé dadaun iha sentru internamentu de Deus Laklubar hamutuk na’in 16, nain 4 pasiente urjente.
Jornalista : Pedro de Almeida
Editora : Nelya Barros
