Lafaek News—Ministru Koordenadór Asuntu Ekonomia (MKAE), Joaquim Amaral , hateten programa sesta bázika sai preokupasaun ba povu tanba ho nesesidade la hanesan balu produtu lokál no balu produtu importasaun rai li’ur loos duni sai preokupasaun ba komunidade sira,
“Preokupasaun ne’e validu maibé Ita mós hatuur Ita nia preokupasaun iha realidade ida, no realidade Ita nia produsaun komesa menus, no Sira seluk iha direitu atu simu, ne’ebé ita tetu buat rua ne’e hodi foti ida ne’ebé atu fasilita programa ne’e la’o hodi sidadaun hotu-hotu hetan” dehan MKAE, hafoin reuniaun Konsellu Ministru(KM), iha Palasíu Governu , Dili, 03/12/2021.
Governante ne’e afirma, programa ne’ebé maka halo dezeña hodi absorve ho masimo produtu lokál no produtu ne’ebé maka iha ita Nia rain laran, ho Ida-ne’e fo tempu hodi La’o maibé produtu lokál komesa menus Tan ne’e kompaña bele importa ho produtu Sira ne’ebé maka iha Rai liur nian hodi distribui ba sidadaun sira
Durante governu realiza programa sesta bázika, kompañia ne’ebé maka hetan kontratu husi governu hodi hala’o programa distribuisaun ba sesta bázika 170 ho númeru ne’ebé maka boot Liu, dehan Joaquim
Governante ne’e hatutan, kompañia ne’ebé maka MKAE sita inklui kompañia internasional ne’ebé maka loja bot-bot iha Dili laran, no Sira hotu autór ekonímiku hodi halo tratamentu hanesan ba iha kooperativa setór privadu Sira ne’eb’e maka iha Dili laran hodi bele kontribui no oferese sasan ba komunidade sira iha munisípiu Sira hodi hotu-hotu bele Sente programa governu nian.
“Apresia ba kompañia Ida-ne’e Ita bele dehan de’it katak kada kompañia entrega de’it ema liu sanulu ou rua nulu, no servisu lubuk Ida Sira fo tiha ona, no mesmu servisu ne’e temporariu de’it, iha periodu kompañia nia kontratu maibé sira fo duni servisu ba Timor oan ne’ebé hola parte iha programa Ida ne’e,” governante ne’e apresia.
Jornalista : Aniceto Dias
Asisténsia Editór : Egidio Nono
