Lafaek News—Adjuntu Diretór Ensinu Báziku Sentral 3° Sikúlu 10 de Dezembro Komoro, Fernando da C. Guterres, preokupa ho komunidade no profesores ne’ebé hela iha ardeores eskóla hodi interompe prosesu aprendizajen bainhira halo movimentu ba mai.
“Oras aprendizajen nian, ami labele taka portaun tanba komunidade sira hela iha ne’e halo movimentasaun, no komunidade halo barullu fo impaktu tebes ba estudante sira nia prosesu aprendijazen durante aprende iha aula laran,” dehan Ajdunto Diretor EBC 3 Sikulu 10 de Dezembru Komoro, Fernando da C. Guterres ba Lafaek News iha kna’ar fatin, Tersa 2/02/2021.
Nia hatutan, hela iha ardeores eskola la’os komunidade de’it maibé professores no diretór balun mos hela, hamutuk uma kain-10, maibé nia parte labele foti desizaun hodi hasai entidade hirak ne’e.
“Ami eskola labele foti medidas hodi hasai kominiddae sira ne’ebé da-daun ne’e hela iha fatin ida ne’e , governu relevante sira mak bele foti desizaun,” tenik nia.
Iha fatin hanesan Diretór Eskola Sekundáriu Jerál 10 de Dezembro Comoro, Domingos Savio Gusmaõ, ne’ebé hela iha areadores eskola nian ho komunidade sira deklara pronto atu koopera ho parte eskola no mos ministériu relevante bainhira foti ona medidas.
“Ami prontu sai karik ministeriu relevante hasai ami husi fatin ida ne’e, tanba fatin ida ne’e eskola nian, la’os komunidade sira maka domina maibé professores balun mos hela,” nia deklara.
Nia relata, antes ne’e komunidade no professores sira enkontru ona ho eis primeira Dama Dona Isabel Ferreira, hodi rekoilla ona kartaun eleitoral.
“Ami halo enkontru ona ho eis primeira dama Dona Isabel Freitas, no foti ona ami nia kartaun eleitoral, maibé to’o agora laiha parte relevante ida mai ko’alia, ami hein de’it,” nia informa.
Ho preokupasaun ne’e diretór eskola hato’o ona karta ba ministriu relevante maibé to’o agora seidauk iha solusaun lo-loos.
Jornalista : Rita Moniz
Asistensia Editór : Pedro de Almeida
