Lafaek News—Kuarta (03/02/21), governu Timor Leste liu husi Ministériu Saúde Rejistn tan kazu foun pandemia COVID-19 pozitivu nain 2 no baixa atual hamutuk ema na’in 24.
Esplikasau husi Spot, Mbiomed koordendór pilar VII Covid-19, Nilton do Carmo da Silva, katak dadus ohin kuarta fulan fevereiru 2021, kazu Foun aumenta tan ema na’in-2, kazu komulativu hamutuk ema ba’in-77 no pasiente ne’ebé sei baixa hamutuk ema na’in 24 kompostu husi Dili 23, RAEOA 1.
” Ohin 3 fevereiru 2021 husi komisaun nasionál rejista tan sidadaun Timor-oan na’in 2 ne’ebé konfirmadu pozetivu covid-19 kompostu husi feto ida ho idade 34 no mane ida ho idade 22, Sira na’in 2 laiha sintoma, no Sira mai husi Nasaun viziñu Indonézia husi provínsia ne’ebé lahanesan, iha 20 janeiru sira tama mai Timór liu husi pontu entrada Batu-Gede hamutuk ho pasajeiru na’in 118,” Esplika Spot, MBiomed Kordenador Pilar VII COVID+19, Nilton do Carmo da Silva, Iha Konferensia Imprensa, Palasiu das Sinzas Kaikoli, Kuarta (03/02/2021).
Nune’e nia hatutan, suspeitu sira kumpri kuarentena obrigatóriu iha ótel la hanesan, ida iha ótel Leokase no ida seluk iha ótel Time Square.
“Husi ekipa vijilánsia epidemolojika ba halo teste swab dahuluk iha dia 21 janeiru ho rezultadu teste negativu, teste daruak foti iha 1 fevereiru no iha 2 fevereiru rezultadu RT- PCR hatudu pozetivu SARS CoV-2,” dehan Nia
Tan ne’e Ministériu Saúde hakarak klareza Minstériu Saúde kontinua nafatin hala’o enkontru koordenasaun ho parte hotu-hotu hodi kombate Covid-19 iha Timor Leste.
“Ohin ekipa ministériu saúde husi pilár 1-9 ne’ebé lidera husi Koordenadóra Jerál Komisaun Covid-19 desloka ba Muniisípiu Bobonaro, Iha Maliana ekipa sei hala’o reuñiaun ho parte igreja, depois ne’e ekontru tan ho ekipa liña frente no autoridade munisipál nian ho objetivu atu haforsa serbisu liña frente atu mitiga infliltrasaun ilegal ho risku Covid-19,” Nilton informa.
Jornalista : Sandi Belo
Editora : Nelya Barros
