Lafaek News- Hafoin hasoru malu ho Primeiru Ministru Taur Matan Ruak, iha Palassu Governu Prezidente Timor Port, Rafael Ribeiro afirma, objetivu hosi enkontru refere hodi informa kona-ba progresu servisu ne’ebé atinje ona porsentu 42 no mós kona-ba rekruta traballadór Timoroan sira.
“Tinan ne’e nia laran ami sei rekruta ema atu servisu operasaun ninian entre 300 to’o 350 hanesan ne’e. Tékniku espesiál sira sei lori hosi Xina, nune’e mós ami sei publika buat barak ba públiku hodi komprende, tanba buat barak sei diferente entre portu ida agora no portu ida ba futuru,” deklara Rafael ba Jornalista tersa semana ne’e.
Alende ne’e nia mós argumenta, total traballadór ne’ebé servisu maizumenus Rihun 1.
“Daudaun ne’e iha Mill ital traballadór, (kompostu) Timoroan no Estranjeiru. Timoroan maizumenus Quiñentos (500) ital,” dehan nia
Haktuir tan nia hodi informa, tuir loloos ita nia tarjetu ba konstrusaun ne’e ramata iha fulan Agostu tinan ne’e, maibé tanba Covid halo relatóriu ba governu hodi prolonga tan tan tempu ba finaliza projetu refere.
“Fiar katak ita sei halo hotu iha tinan oin (fulan Maiu),” nia promete
Entretantu investimentu ba megaprojetu konstrusaun portu Tibar maizumenus millaun dolar 100 resin.
Jornalista: Juvita dos Santos
Editór : Ezequias Tomás
