Lafaek News- Bazeia ba artigu 29 lei seguransa nasionál no dekretu lei númeru 24/2020, fó kompeténsia hodi estabelese hikas Sentru Integradu Jestaun Kríze (SIJK), tanba ne’e iha tempu badak sei iha publikasaun ba despaxu hosi Primeiru Ministru.
Ministru Prezidénsia Konsellu Ministru (MPCM), Fidelis Manuel Leite Magalhães, relata sala de situasaun sei nafatin sede nasionál iha Dili, maibé ho kriasaun Unidade Territoriál ne’ebé mak sei fahe ba parte tolu, hanesan Unidade Territoriál RAEOA, sede sentru operasaun iha Pante Makasar, unidade territoriál Bobonaro sentru operasaun iha Maliana no unidade territoriál Kovalima nia sentru operasaun iha Suai.
“Ne’e duni publikasaun prevee ona despaxu sei tama iha vigór hahú iha dia 02 Fevereiru, no tempu badak prepara hamoris fila fali sentru jestaun kríze nu’udar sala situasaun no mós alarga tan sentru operasaun,” reforsa Fidelis Magalhães ba jornalista iha Palassu Governu, tersa semana ne’e
Jornalista : Juvita dos Santos
Editór : Ezequias Tomás
