Lafaeknews-12/04/2021, Líder karismatiku Kay Rala Xanana Gusmão nahe ona biti tradisionál iha sala izolamentu Covid-19 Vera Kruz nia oin hodi hein to’o foti mate isin Armindo Borges.
Biti ne’ebé Líder Xanana Gusmão nahe iha estrada laran hodi toba ba leten ne’e biti tradisioal ne’ebé produs husi tali.
Nune’e, Líder Xanana Gusmão mós la autoriza Jornalista sira atu foti filmajen no fotografia.
Líder Xanana Gusmão toba iha biti leten ne’ebé helik hosi karreta Hilux ho xapa matrikula A.22-559 ne’ebé tula hela kaisaun Matebian Armindo Borges ne’ebé máka para hela iha sala izolamentu Vera Cruz.
Familia matebian toba de’it Iha sala Izolamentu oin hodi hein mate isin Armindo Borges.
Família matebian lubuk ida mak akompañia líder Xanana Gusmão hodi toba iha de’it sementi leten iha sala izolamentu Covid-19 Vera Kruz nia oin.
Líder Xanana Gusmão atu toba, nia avizu ba nia seguransa atu husu ba Joven sira ida-diak fila ba uma entaun joven sira kompre hodi ida-idak fila ba sira nia uma.
Antes líder Xanana atu toba, iha na’in rua Doutór/a mane ho feto mai konversa ho Xanana Gusmão atu fila ba uma, maibé Xanana dehan “ha’u la fila tanba ohin ha’u dehan ona ba Ministra katak mate isin la fó fila ba família ha’u toba iha ne’e,” dehan Xanana ba Duotór na’in rua ne’e.
Nune’e, Líder Karismatiku ne’e, iha duni fuan ne’ebé hadomi nia povu hodi toba de’it iha estrada laran ho família matebian sira hodi hein solusaun atu nune’e bele foti mate isin entrega ba família sira.
Tanba, antes Xanana Gusmão diskute malu ho Ministra Saúde (MS), Odete Maria Freitas Belo katak, mate isin la entrega ba família, máka nia sei toba hodi bele hetan solusaun ou mate isin tenke entrega ba famíia sira nia liman.
Jornalista : Acacio Pinto
Editór : Floriano Soares
