Lafaek News—Relasiona ho polémika ne’ebé akontese iha Vera-Krúz Kaikoli Dili, entre líder karizmátiku Xanana Gusmão ho governu kona-ba mate isin (Armindo Broges), Konsellu kombatentes Libertasaun Nasionál Munisípiu Lautém husu governu la’o tuir protokolu Organizasaun Munidál Saúde (OMS) ho Ministériu Saúde.
Lia hirak ne’e hato’o husi prezidente Konselhu Kombatentes Libertasaun Nasionál Munisípiu Lautém, Aurelio Freitas Ribeiro, katak covid-19 ne’e iha mundu tomak, estadu Timor-Leste koko tau forsa hamutuk ho entiddes hotu prevene virus refere labele hada’et ba povu.
“Dalan atu halo prevensaun mak ita tenke la’o tuir protokolu ne’ebé mak iha, durante ne’e ita hotu akomapnia estadu no ema hotu prevene espansaun ka hada’et moras ida ne’e dalan ita mak tenke haketak ema ne’ebé mak kuandu teste hetan ona pozitivu Covid-19 tenke ser sees husi Komunidade,” Aurelio Freitas Ribeiro, iha Lautém segunda semana ne’e.
Aurelio salienta iha polémika ne’ebé akontese iha sala izolamentu Vera-Krúz ne’e komprensaun mak diferente, Xanana Gusmão haree husi aspeitu humanu, doutor sira mós haree husi aspeitu umanu nian, ne’e oinsá atu salva ema ne’e más pior liu mak pessoal balu fo informasaun ne’ebé mak la’ós hanesan avo Xanana hateten.
“Katak doutor balu akonsela fila-fali ema sira ne’ebé moras kundu moras ona lalika ba ospital, tanba orsida ema duni ba covid-19,entaun doutor sira ne’e la halo nia servisu ho profesional persiza estadu haree asuntu ne’e ho sériu,” Prezidente Konsellu Veteranus Lautém subliña.
“Ikus liu husu nafatin ba foin sa’e sira atu respeita líder sira hanesan mós akontesimentu horseik iha ne’ebé deputadu balu hakilar hasoru jeneral Aluk, hahalok ne’e liha respeita ba funu nain sira,” Aurelio hakotu,
Jornalista : CE. Lautém
Editór : Agapito de Deus
