SEGURANSA · 20 Mar 2021 00:41 ·

Vítima Quintão Konsidera Deklarasaun Komandu PNTL Sees Dook Husi AKontesimentu


Vítima Quintão Konsidera Deklarasaun Komandu PNTL Sees Dook Husi AKontesimentu Perbesar

Lafaek News—Pesoal Saneamentu Munisípiu Dili (SMD), Quintão Alves ne’ebé hetan agresaun fízika husi membru Polísia Nasional Timor Leste (PNTL) iha merkadu Taibesi, rezeita deklarasaun komandu PNTL ne’ebé deklara katak membru polísia baku pesoal saneamentu tanba  hasee dala-sia ba pesoal saneamentu atu uza maskara maibé la kumpre.

Tuir komunikadu ne’ebé jornalista asesu husi vítima katak, vítima rejeita total komandu polísia munisípiu Dili ne’ebé halo auto-defeza la tuir realidade ne’ebé akontese iha terrenu.

“Ha’u rejeita komandu PNTL nia deklarasaun dehan ha’u la kumpre membru PNTL nia ordem ne’ebé haruka hau atu uza maskara ne’e” vítima Quintão Alves hakerek iha komunikadu ne’e lafaek news asesu husi vítima iha sábadu (20/03/21).

Vítima mós rejeita komandu PNTL nia deklarasaun ne’ebé dehan vítima hato’o lian fuan ‘beik’ ba membru PNTL.

“Komandu nia deklarasaun ne’ebé fó sai husi RTTL dehan ha’u hato’o lia fuan ‘beik’ ne’e la loos,” komunikadu ne’e realsa.

Quintão Alves, konta kronolójia katak, nia fila husi nia servisu fatin, nia sa’e anguna no tun iha terminal Taibesi, iha ne’ebá membru polísia ida husu ” tanba sá la uza maskara?” Maibé vítima hatan ” ha’u nia maskara iha bolsu tanba ha’u sei fuma,” vítima argumenta.

Hafoin vítima hato’o lia fuan ne’e, membru polísia tuku to’o nia monu ba rai. ” nia (membru PNTL) tuku ha’u nia ibun nakles no ran sulin, membru polísia ne’e dehan ‘hau baku ó mate, ó ba kesar sesedeit.!’ ” komunikadu ne’e salienta.

Sorin seluk, portavoz komandu jeral PNTL, superintendente Armando de Araujo hatete, “tuir relatóriu ne’ebé komandu munisípiu Dili relata ba komandu jerál katak, membru PNTL hasee dala sia ba pesoal saneamentu atu uza maskara maibé la tuir no pesoal saneamentu ne’e hatoo lia fuan ‘beik’ ba PNTL”.

Maske nune’e portavoz PNTL argumenta katak prosesu investigasaun mak sei identifika lo-loos motivu husi kazu ne’e rasik.

Entretantu, kazu akontese iha loron  18/03/2021, mais ou menus tuku 10 dadersan iha Taibesi, bainhira vítima Quintao foin fila hosi servisu atu ba umaiha Taibesi, too iha Taibessi, vítima hasai hela maskara tau iha bolus hosi fuma sigaru membru polísia ho inisial TX hasee dala ida de’it no vítima hatan katak ha’u nia maskara iha hela bolus, ha’u fuma hela, tanba ne’e Oknum Polísia Nasional Timor-Leste (PNTL), ho inisial TX tuku vítima to’o ibun ran.

“Ha’u fila ba uma to’o iha merkadu taibesi, mak ha’u fuma hela entaun hasai tiha maskra tau iha bolsu, oknum polísia ne’e mai husu “O nia maskra” ha’u hatan “Maun ha’u fuma hela mak hasai tiha maskra tau iha bolsu” hotu tiha nia kaer husi ha’u nia kotuk lori ha’u ba to’o postu polísia merkadu taibesi nia oin tuku ha’u nia ibun ran no tuku hasan bubu agora hasan mak sei moras hela,” Dehan Vítima Quintão Alves (QA) ba Lafaek News via telefone, sesta 19/03/2021.

Núne’e mós sasin ba akontesimentu insidente iha merkadu Taibesi Amelia Mena haktuir,  akontesimentu insidente ne’e akontese iha merkadu taibesi husi inisiu sasin ne’e la haree maibé nia haree bainhira Oknum polísia ne’e lori Vítima QA ba Postu polísia.

“Primeiru ne’e ha’u la haree maibé oknum polísia lori Maun QA ba postu polísia ne’e ha’u hetan tanba oknum ne’e tuku vítima QA nia ibun ran tiha no hasan mós bubu hotu to’o iha kantor oknum polísia ne’e hakarak atu baku tan depois oknum TX dehan “Ha’u baku mate o iha ne’e O ba kesar se de’it”,” sasin ne’e Afirma.

Sasin Amelia konta, komandante ida husu ba Oknum ne’e ” Maun mai ho se” TX hatan “Ha’u ho alin mai sosa modo iha merkadu” entaun komandante ne’e dehan ba oknum polísia TX “O mai sosa modo nusa mak Baku fali ema iha ne’e” tanba Oknum ne’e hala’o nia servisu iha Komandu Jeral.

“To’o iha kantor polísia sira tahan tiha oknum TX hodi salva Vítima ba postu laran entaun Oknum polísia TX nia liman la kona ona bainhira vítima to’o iha Kantor tanba iha polísia balu salva ona Vítima husi Insidente ne’e,” Nia informa.

Entretantu Vítima Quintão hatete, iha nia parte  rejeita total deklarasaun husi PNTL nia katak, oknum hase dala sia ne’e, la los tanba Oknum Polísia TX hasee dala ida de’it no liafuan ida dehan “Polísia Beik ten” ne’e mós la loos tanba Vítima QA la koalia liafuan ne’e ba Oknum polísia.

 

Jornalista  : Orlando Magno/Josfron

Editora       : Nelya Barros

1,733 Views
Artikel ini telah dibaca 7 kali

badge-check

Editor

Baca Lainnya

PR Sujere MD Hametin kooperasaun Ho Nasaun Viziñu

21 December 2023 - 11:11

Orservasaun hosi Fundasaun Mahein kona-bá Eleisaun Lideransa Komunitaria tinan 2023

28 November 2023 - 08:35

PR Husu Autoridade Defeza-Seguransa Garante Estabilidade Rai-Laran

24 November 2023 - 12:40

Observasaun FM ba Realizasaun Programa 120 Dias ba Setor Seguransa IX Governu Konstitusional

23 November 2023 - 15:01

PR Sei Kondekora Timor-oan  2009  Iha Loron Proklamasaun independénsia Ba Bala-48

16 November 2023 - 17:00

Aluc

Koronel Domingos Dúvida Ho Karta Ezonerasaun Husi Primeiru Ministru

4 September 2023 - 14:16

Trending di SEGURANSA