Lafaek News – Polísia Nasional Timor-Leste (PNTL) liu husi Unidade Patrollamentu Fronteira (UPF), Prende ro peskador halo transasksaun ilegal ba minarai iha fronteira Batugade, postu administrativu Balibo, munisípiu Bobonaru.
Komandante UPF, Superintendente Polísia, Euclides Belo informa, membru Unidade Patrollamentu Fronteira (UPF) prende ró refere halo hela tranzasaun ilegal iha fronteira entre Indonézia ho Timor Leste.
Horikalan madrugada ita nia membru Servisu Sekreta halo vizilansia iha fronteira tasi ibun iha area Manuhaen Balibo nian no prende ró peskador ida halo transaksaun ilegal hamutuk ho evidenisia sira mak hanesan, minarai jergen litru 35, hamutuk 12 no litru 20 hamutuk 33, entaun total hamutuk masa 55 maka ita prende”, dehan Komandante Euclides Belo, iha Kuartel UPF Nu Badak, kuarta 11/05/2022.
Euclides haktuir, membru sira la konsege kaptura sidadaun ne’ebe halo tranzasaun ilegal, tanba autor sira konsege halai wainhira membru sira to’o iha area tasi ibun hafoin kaptura.
Agora dadauk nain ba sasan sei deskuñesidu maibe evidensia hirak ne’e asegura ona iha Kuartel UPF hodi halo prosesu no buka tuir suspeitu ne’ebe hatama sasan liu hosi dalan ilegal ne’e”, afirma.
Jornalista : Orlando Magno
Editor : Agapito de Deus
