Lafaek News– Vise Ministru Intérior (MI), António Armindo, relata komandu la haruka atu deve foos, tanba sá sira ba deve, karik sira deve ne’é responsabilidade pesóal la’ós komandu nia responsabilidade.
“Ha’u hatete, deve foos ne’e individu. Komando la haruka ema ida atu ba deve foos,” Vise MI António ba LafaekNews iha Resintu PN, kinta (10/12).
Liga-ba kestaun ne’e Vise MI dehan sente la lojika, kuandu deve fali foos tanba orsamentu alimentasaun ne’ebé aloka loron ida ba kada membru PNTL ne’e $7.50 Cent, nune’e fulan ida bele simu besik $200 hodi bele kompra ai han.
Hatutan nia hodi informa, hahan ba UPF, governu mós distribui ona foos karon besik 200. Hosi ministério intérior lori ona saka 60 ba fulan outubru nian no novembru nian lori tan ona saka 40 ba.
Afirma nia, alende ne’e hosi ministériu sosiál mós fó ona apoiu ba sira liga-ba asuntu ne’e.
Enkuantu antes ne’e Komandante Postu Tunu Bibi Inspetór Paulo Assis Belo, hatete Alimentasaun ba fulan ne’e susar tebes, atu ba fulan rua ona foos la mai, tanba tarde entaun hakarak ka lakohi ba deve iha keos sira hodi uza ba han.
Jornalista: Egidio Nono
Editór : Ezequias Tomás
