Lafaek News—Instituisaun Superior Cristal (ISC), hamutuk ho suku maskariña realiza eventu futsal ho intensaun hamtein unidade no amezade hodi komemora aniversáriu ISC nia ba dala-19 inklui loron ba Padrueiru Mahein Cristal.
Vise Reitor ISC Jacinto de Oliveira Junior informa, Intituisaun Superior Cristal hamutuk ho suku maskariñas liu husi juventude altu Balide realiza ativisade amizade entre juventude sira oinsá atu fo koñesimentu desportu ba foin sa’e.
“Liu husi atividade desportu ne’e bele halo foin sae sira hamutuk hodi kria lasu amizade entre joven sira iha suku maskariña no estudante ISC,” dehan Junior ba jornalista iha ICS Balide Dili, kinta 10/12/2020.
Junior relata, Atividade ne’e sai hanesan kultura ida ba ISC tan ne’e kada tinan sira sempre realiza eventu refere, tanba husi atividade ne’e bele halo joven sira sai amizade diak liu no promove mos desportu iha intituisaun ne’e rasik.
“Husu ba joven sira tenke treinu joga bola nafatin no kria kondisoens ba nia aan rasik atu diaiplina oinsa hadok aan husi hahalok krime,”Nia rekomenda.
Prezidente komisaun organizador, Edgar Coreia Ribeiro, hatete eventu ne’e diak tebes, tanba suku maskariñas ho aldeia altu Balide no aldeia baixu Balide ne’ebé halo kolaborasaun ho ISC hodi tau hanoin hamutuk realiza eventu ida ne’e.
“Bainhira eventu ne’e lao kada loron ekipa tolu mak joga, loron ida jogu primeiru hahu iha tuku 06:00-07:00 lorokraik segundu 07:00-08:00 no jogu terseiru hahu tuku 08:00-09:00,” Edgar afirma.
Nia dehan, planu ba tinan oin sei prepara diak liu tan eventu ne’e tanba sira hakarak organiza eventu ne’e iha tinan oin sei diak liu tan.
Tuir dadus ne’ebe jornalista lafaek news asesu durante loron 40 ekipa hamutuk 43 mak tuir kompetisaun jogu futsall hahu joga iha loron 30 fulan Novembru too ohin loron ekipa FC MORENA mak sai hanesan Manan nain iha eventu ida ne’e.
Iha atividade jogu futsall ne’e, FC MORENA hetan primeiru lugar simu premiu taxa ho osan $.500, FC MATANDO segundu luga simu taxa ho osan $.300 no FC Hadomi Menino Jesus hetan terseiru lugar simu taxa ho osan $.200.
Jornalista : Orlando Magno
Editora : Nelya Barros
