Lafaek News—Universidade Nasionál Timor-Lorosae (UNTL) liuhusi fakuldade Siénsia sosiais lamenta ho polítika Ne’ebé Parlamentu Nasionál (PN) halo, hodi kontinua fo previleizu ba deputadu no deputada sira.
Tamba ne’e maka, Universidade Nasionál Timor-Lorosa’e (UNTL) liuhusi Fakuldade Siensia Sosiais halo konfrensia, ligadu ho projetu lei númeru 4/5 primeira alterasaun no lei númeru 5/2004 loron 5 fulan maiu konaba subsídiu $600 ne’ebé trata ba saúde no $1.600 ba transporte ne’ebé mak sei la fó benefísu di’ak ba povu.
“Agora ita hasoru Versus polítiku, la’ós asaun ba hasoru asaun hanesan deputadu sira halo ne’e, asaun injustisa ne’ebé mak sira halo, ita tenke buka dalan justisa para atu hasoru hodi hamate justisa ne’ebé mak dau-daun ne’e explora iha ita nia nasaun Timor-Leste,” haktuir Observadór polítika públika Cardenio Alves zetiti pereira, ba Lafaek News iha UNTL Kaikoli, 29/11/2023.
Nia haktuir, desizaun ne’ebé Parlamentu Nasionál halo so fo benefísu di’ak ba deputadu sira nia an no família, grupu no partidu, maibé la fó benefísu ba povu Timor-Leste.
No desizaun PN nian laiha vantazen ba povu lolos polítika ne’ebé deside tenke refleta ba povu nia intrese. antes ne’e mós ho filosofia polítika ne’ebé iha define ona katak, lato’o tinan povu sira sei sai luzu maibé realidade abandona fali povu no povu sai fali lixu.
Ne’e signifika, benefísiu ne’ebé dau-daun ne’e Parlamentu iha so hanoin de’it ba osan no laiha intrese konaba oinsá atu hala’o dezenvolvimentu iha rai ne’e liu-liu seitór agrikultur, edukasaun, saúde ne’ebé to’o oras ne’e sei hakdasak.
“La’ós tempu besik kampanha eleitorál mak ita foin kanta maka’as iha palku leten katak ami sei halo ida ne’e, maibé ikus povu kosar mes–mesak nunka hamos ho lensu maibé sira mai lori povu atu sai lixu no sira mak sai luzu”lamenta Observado ne’e.
Jornalista : Felix Fernandes
Editor : Marcos da Silva Araujo
