Lafaek News—Estrutura Partidu Kmanek Haburas Unidade Nasional Timor-oan (KHUNTO), domingu (31/05/2026), realiza sosializasaun familiar ho juventude Bebora aldeia Hura suku Motael munisipiu Dili ho objetivu atu instala estrutra baze atu organiza militantes no simpatizantes foun sira halibur hamutuk ho pa KHUNTO hodi prepara partisipa iha eleisaun prezidensia no parlamentar 2027-2028.
Prezidente Estrutura partidu KHUNTO Munisípiu, Mario Cobra afirma atividade ne’e partidu nian ba ohin loron ne’e hanesan sosializasaun familiar ba juventude Bebora aldeia Hura atu bele akumula tan joven sira ne’ebé durante hamutuk ho partidu seluk, maibé hetan tiha ukun la haree jovens sira.
“Ita hala’o sosializasaun familiar ne’e hakarak halibur joven sira, la haree ba kot la haree ba rasa suku ou klase, ita tenke hamutuk hodi sai nain ba unidade nasional, Timor presiza ita hotu, liu-liu foin sa’e Bebora-oan, mai ita hamutuk ho KHUNTO hateke ba oin, hodi kontribui ba dezenvolvimentu nasional liu hosi tane o lisan, tane o emar no tane o rain,” Mario Cobra hatun li aba lafaek news hafoin remata atividade sosializasaun familiar ho joven sira hosi aldeia Hura suku Motael, Domingu (31/05/2026).
Tanba ne’e, iha aldeia Hura Bebora ne’e foin halo sosializasaun familiar no ba oin, sei instala estrutura aldeia nian hodi harii rin bandeira KHUNTO nian permanente nudar aihun ida ba joven KHUNTO-oan sira iha suku Motael nian.
“Programa joven nian ba oin, bainhira KHUNTO lidera governu sei prioridade mos ba asuntu desportu kada aldeia no suku sira atu nune’e realiza jogu amizade ida hodi promove estabilidade no unidade nasional,” Cobra afirma.
Observasaun lafaek news iha atividade sosializasaun familiar ne’e organiza direta hosi estrutura munisípiu Dili, kompostu hosi prezidente KHUNTO munisípiu Dili, vise prezidente no konselleru munisípiu Dili no hetan partisipasaun másimu ho antusiasmu hosi joventude aldeia Bebora kompostu husi feto no mane ema hamutuk atus ida resin.
Ekipa Lafaek News
