LafaekNews-Universidade Orientál Timor-Lorosa’e(UNITAL) liuhusi departamentu komunikasaun Sosíal, ofisíalmente hala’o lansamentu ba Radíu Akademíka UNITAL (RAU), ho frekuénsia 96.4 MHZ.
Tuir Magnifíku Reitór Universidade Orientál Timor-Lorosa’e (UNITAL), Florindo Pereira, hateten, UNITAL Kona-ba radíu, estudante sira iha uma bele rona no akompaña material sira depois mak diskusaun liu grupu whatsap ne’e mòs maneira ida ba estudante sira
“Kona-ba radíu, estudante sira iha uma bele rona no akompaña material sira depois mak diskusaun liu grupu whatsap ne’e mòs maneira ida atu halo ida-ne’e”dehan Reitó UNITAL, Florindo Pereira, iha ámbitu diskursu iha Salaun UNITAL, Becora, Dili, 09/07/2021.
Reitór ne’e hatutan, husu ba Konsellu Imprensa(KI) atu fò motivasuan oinsà, radio ne’e bele hato’o buat di’ak ida, ninia prosedur tanba iha ne’e mòs fatin ba aprendijazen ida.
Iha fatin hanesan, Ministru Asuntu Parlamentares no Komunikasaun Sosiál(MapKomS), Francisco Jeronimo, hateten, ho existénsia radíu UNITAL ne’e, governu nafatin hamriik iha universidade nia sorin liuliu iha área komunikasaun sosiál nian, no radíu ne’e importante tebes atu transmite informasaun ba públiku.
“Ha’u nia mensajen ba hotu-hotu, governu hamriik nafatin iha universidade nia sorin, liu-liu área komunikasaun sosiál nian, hanesan pasu ida inportante liu atu bele estabelese radíu iha Dili areadór UNITAL nian, no radíu inportante tebes atu bele transmite informasaun ba povu tomak iha Timor laran, ho nia frekuensia to’o iha fatin ne’ebé de’it no komunidade asesu,”dehan MapKomS,
Governante ne’e hatutan, ho existénsia Radíu refere bele kontribui mós ba sosializasaun regras ba prevensaun Covid-19
Iha seriomónia ne’e, alende lansamentu ba Radíu UNITAL, iha mós lansamentu kona-ba Klinika UNITAL, Peskas, nomos Kampo Multi Funsaun.
Enkuantu iha serimónia ne’e partisipa husi MapKomS, Prezidente Konsellu Imprensa, Reitór UNPAZ, SEJD,Vise MAP, no funsionariu no estudante sira husi UNITAL nian.
Jornaalista :Pedro de Almeida
Asisten Editor: Egidio Nono
